جاڭالىقتارسپورت
قازاقستاندىق پاراسپورتشى بالقاش كولىن توقتاۋسىز ءجۇزىپ ءوتتى
پاراسپورتشى اقنازار ءمۇتالىپوۆ بالقاش كولىن توقتاۋسىز ءجۇزىپ ءوتتى, دەپ حابارلايدى Qandastar.kz. سپورتشى 20 شاقىرىمدىق قاشىقتىقتى 13 ساعات ىشىندە ەڭسەرگەن.
العاشقى جەتىستىگى كوپ كۇتتىرمەدى. 2024 جىلدىڭ ناۋرىزىندا ول تاراز قالاسىندا وتكەن جارىستا 400 مەترگە ەركىن ستيلدە جۇزۋدەن پاراسپورت بويىنشا قازاقستان چەمپيونى اتاندى. سول جىلى ول بۋراباي كولىن ءجۇزىپ ءوتىپ, ءوز شەبەرلىگىن تاعى ءبىر مارتە دالەلدەدى. 2025 جىلى ءمۇتالىپوۆ الدىنا جاڭا ماقسات قويدى — بالقاش كولىن ءجۇزىپ ءوتۋ.
“بالقاشتى توقتاۋسىز ءجۇزىپ ءوتتىم. 20 شاقىرىم. بۇل – وزىمە جانە بۇكىل الەمگە مۇمكىندىگى شەكتەۋلى ادامنىڭ دا شەكسىز مەجەلەردى باعىندىرا الاتىنىن دالەلدەۋ ەدى. مەنىڭ ماقساتىم – تەك ءجۇزۋ عانا ەمەس, ادام رۋحىنىڭ قانداي قيىندىقتى دا ەڭسەرۋگە قابىلەتتى ەكەنىن كورسەتۋ», – دەپ جازدى پاراسپورتشى.
قازىر اقنازار ءمۇتالىپوۆ گيننەستىڭ رەكوردتار كىتابىنا ءوتىنىم بەرۋگە دايىندالىپ جاتىر. ول وسى ەرەكشە جەتىستىگىن رەسمي تۇردە تىركەۋدى جانە حالىقارالىق ارەنادا قازاقستاننىڭ اتىنان ونەر كورسەتۋدى ماقسات ەتەدى.
