JańalyqtarSport
Qazaqstandyq parasportshy Balqash kólin toqtaýsyz júzip ótti
Parasportshy Aqnazar Mútálipov Balqash kólin toqtaýsyz júzip ótti, dep habarlaıdy Qandastar.kz. Sportshy 20 shaqyrymdyq qashyqtyqty 13 saǵat ishinde eńsergen.
Alǵashqy jetistigi kóp kúttirmedi. 2024 jyldyń naýryzynda ol Taraz qalasynda ótken jarysta 400 metrge erkin stılde júzýden parasport boıynsha Qazaqstan chempıony atandy. Sol jyly ol Býrabaı kólin júzip ótip, óz sheberligin taǵy bir márte dáleldedi. 2025 jyly Mútálipov aldyna jańa maqsat qoıdy — Balqash kólin júzip ótý.
“Balqashty toqtaýsyz júzip óttim. 20 shaqyrym. Bul – ózime jáne búkil álemge múmkindigi shekteýli adamnyń da sheksiz mejelerdi baǵyndyra alatynyn dáleldeý edi. Meniń maqsatym – tek júzý ǵana emes, adam rýhynyń qandaı qıyndyqty da eńserýge qabiletti ekenin kórsetý», – dep jazdy parasportshy.
Qazir Aqnazar Mútálipov Gınnestiń rekordtar kitabyna ótinim berýge daıyndalyp jatyr. Ol osy erekshe jetistigin resmı túrde tirkeýdi jáne halyqaralyq arenada Qazaqstannyń atynan óner kórsetýdi maqsat etedi.
