Qazaqstandyq prodıýser 5 jylǵa sottaldy

Burynǵy mádenıet jáne sport vıe-mınıstri Erlan Qojaǵapanovtyń isimen baılanysty SUCCESS K iri ıvent-agenttiginiń basshysy Lıazzat Kókkózovaǵa sot úkimi shyqty, dep habarlaıdy  qandastar.kz     Ulysmedia.kz-ke silteme jasap.

KО́KKО́ZOVAǴA QANDAI AIYP TAǴYLDY

Qojaǵapanov isine qatysty taǵy bir adam Lázzat Kókkózovaǵa 2018 jyly Petropavlda ótken Qazaqstan men Reseıdiń XV óńiraralyq yntymaqtastyq forýmyn uıymdastyrý kezinde bıýdjet qarjysyn jymqyrdy degen aıyp taǵyldy.

Sot úkimi boıynsha Kókkózova bes jylǵa bas bostandyǵynan aıyryldy.

KО́KKО́ZOVANYŃ ISI TÝRALY

Qazaqstandaǵy kreatıvti ındýstrııada Lıazzat Kókkózovanyń esimi keńinen tanymal. Ol prezıdent qatysqan kóptegen iri sharalardy uıymdastyrǵan, sondaı-aq 2000-jyldardyń basyndaǵy eń tanymal telejobalardyń biri – «HHI ǵasyr kóshbasshysy» baǵdarlamasynyń negizin qalaýshylardyń qatarynda bolǵan.

Sot proesi bastalǵan kezde onyń jasy 61-de edi. Erlan Qojaǵapanovpen salystyrǵanda, tergeý barysynda Lıazzat Kókkózova tergeý ızolıatorynda emes, densaýlyǵyna baılanysty úıqamaqta boldy.

Alaıda aıyptaýshy taraptyń nusqasyna sáıkes, Kókkózovaǵa Qojaǵapanovqa qaraǵanda aýyr jaza qaýpi tónip tur: oǵan múlkin tárkileý jáne uzaq merzimge bas bostandyǵynan aıyrý jazasy suralǵan. Qazaqstanda tanymal PR-mamannyń pikirinshe, tergeýshiler Kókkózovany qural retinde ǵana paıdalanǵan.

– Men de, otbasym da bul iste tek “qural” boldyq. Tergeý úshin Qojaǵapanovty sotqa tartý jolyndaǵy múmkindik boldyq. Bul arqyly olar prezıdentke, keıin qoǵamǵa «jemqorlyqpen ymyrasyz kúresip jatqanyn» kórsetkisi kelgen sııaqty. Qazir mundaı “jeńisterdi” jarııa etýge sebep te azaıyp ketti. Basqa sebep kórip turǵan joqpyn, – deıdi Lıazzat Kókkózova.

Kókkózovanyń ózi, kúıeýi men qyzyna tıesili barlyq bank shottary buǵattalǵan. SUCCESS K kompanııasynyń jumysy toqtap qaldy. Onyń aıtýynsha, júıkesine salmaq túsip, densaýlyǵy kúrt nasharlap, sal aýrýyna shaldyǵyp qalǵan.

– Biz memleketten eshqashan kómek suraǵan emespiz. Kerisinshe, otbasymyz salyqty ýaqytynda tólep, zańdy eshqashan buzǵan joq. Biz memleketten tek bir ǵana nárse kúttik – zań ústemdigi men qaýipsizdik. Eger ony da qamtamasyz ete almasa, onda bul elde ómir súrýdiń máni qandaı? – deıdi ol kúızelispen.

Kókkózovanyń aıtýynsha, ózin eń qatty kúıretken nárse – tergeý barysynda kýálardan qysym arqyly “qajetti” jaýaptar alyndy degen senim.

– Bul zańsyz tergeý aıasynda adam quqyǵynyń oıǵa keletin-kelmeıtin barlyq normasy buzyldy. Kýálardyń barlyǵy – áıelder. Olar psıhologııalyq qysymǵa ushyrady. Tergeýshiler qyzmettik ókiletin asyra paıdalanyp, shekten shyqqan áreketterge barǵan. Balamen qorqytý, jynystyq mazmundaǵy qýdalaý, týystaryna zombylyq jasaýǵa doq kórsetý, emoıonaldyq kúızelis pen psıhologııalyq kúıretýge jetkizý, jalǵan is qozǵaımyz dep úrkitý – bári boldy, – dep tizbeledi ol.

Mundaı tergeý tásilderi týraly ol óz qyzmetkerlerinen estigen. Onyń paıymdaýynsha, negizgi aıyptaýshy kýá – týrızm ındýstrııasy komıteti tóraǵasynyń burynǵy orynbasary Gúlzat Jýaspaıeva da dál osyndaı qysym kórip, jaýap bergen bolýy múmkin.