الەم جاڭالىقتارى
قازاقستاندىق شاحماتشى 2024 جىلعى الەم چەمپيوناتىندا ۇزدىك وندىققا كىردى
فوتو: اشىق دەرەككوز
قازاقستاندىق شاحماتشى ءبيبىسارا اساۋباەۆا قارسىلاستارىنان ءتورت رەت باسىم ءتۇسىپ, جەتى ويىندى تەڭ ناتيجەمەن اياقتاي الدى. وسىلايشا, ول 11 تۋردان كەيىن 7,5 ۇپاي جينادى, دەپ حابارلايدى qandastar.kz Prosports.kz-كە سىلتەمە جاساپ.
«سپورت شرەدينگەرا» Telegram-ارناسىنىڭ جازۋىنشا, سوڭعى تۋردا قازاقستاندىق شاحماتشى الەم چەمپيونى, قىتايلىق تسزيۋي ۆەنتسزيۋنمەن تەڭ ءتۇسىپ, قارسىلاسىن نيۋ-يوركتەگى چەمپيوندىقتان ايىردى.
جارىس ناتيجەسى بويىنشا جۇلدەلى ورىندار بىلاي ءبولىندى:
- حامپي كونەرۋ ء(ۇندىستان) – 8,5 ۇپاي;
- تسزيۋي ۆەنتسزيۋن (قىتاي) – 8 ۇپاي;
- ەكاتەرينا لاگنو (رەسەي) – 8 ۇپاي.
تاعى ءبىر قازاقستاندىق شاحماتشى مەرۋەرت قاماليدەنوۆا 16-ورىنعا يە بولدى.
ەرلەر اراسىندا قازاقستاندىق سپورتشىلاردان ۇزدىك ناتيجەنى رينات جۇماباەۆ كورسەتتى. ول 62-ورىنعا تۇراقتادى. رينات 13 تۋردا 4 جەڭىسكە جەتىپ, 6 تەڭ ويىن وتكىزىپ, 3 رەت جەڭىلىپ قالدى. ول جالپى 7 ۇپاي جينادى.
