قازاقستاندىق سپورتشىلاردان دوپينگ تابىلدى

فوتو: جەكە قورىنان

قازاقستاننىڭ نامىسىن قورعايتىن ءۇش پاۋەرليفتەر, اتاپ ايتقاندا: كونستانتين كۋرلاەۆ, پولينا ششەربينا جانە ارسلان سۇيىنىشاليەۆ دوپينگكە قارسى ەرەجەلەردى بۇزعانى ءۇشىن ۇستالدى, دەپ حابارلايدى qandastar.kz

sportarena.kz مالىمەتىنشە, بۇل سپورتشىلار ءبىراز ۋاقىتقا سپورتتان شەكتەتىلەدى, الايدا قايتىپ ورالۋلارى قيىنعا تۇسپەك.

كونستانتين كۋرلاەۆ: 2024 جىلدىڭ 5 قازانىندا دروستانولوندى قولدانعانى ءۇشىن ۇستالدى. ديسكۆاليفيكاتسيا مەرزىمى — ءۇش جىل: 31.10.2024 – 31.10.2027.

پولينا ششەربينا: 2024 جىلدىڭ 2 قازانىندا دروستانولوندى قولدانعانى ءۇشىن ۇستالدى. ديسكۆاليفيكاتسيا مەرزىمى — ءۇش جىل: 31.10.2024 – 31.10.2027.

ارسلان سۇيىنىشاليەۆتىڭ جاعدايى ءبىرشاما كۇردەلى, ويتكەنى ونىڭ قانىنان ءۇش ءدارى تابىلدى – LGD-4033, كلوميفەن, مەتانديەنون. بۇل دەرەكتەر 2024 جىلدىڭ 1 ماۋسىمىندا انىقتالدى. ول بەس جىلعا شەتتەتىلەدى: 02.08.2024 — 02.08.2029.