قازاقستاندىق سۋموشى جاپونيادا توپ جاردى

فوتو:ياپونسكايا اسسوتسياتسيا سۋمو

قازاقستاندىق سۋموشى ەرسىن بالتاعۇل جاپونياداعى يمپەراتور كۋبوگىندا العاش رەت كوشباسشى اتاندى, دەپ حابارلايدى qandastar.kz

“دياديا ۆانيا” تەلەگرام ارناسىنىڭ جازۋىنشا, توكيوداعى “كوكۋگيكان” سۋمو سارايىندا جاپونيا ەلىنىڭ ەليتالىق ديۆيزيونىندا وتەتىن ەڭ بەدەلدى ۇلتتىق كۇرەس تۋرنيرلەرىنىڭ ءبىرى اياقتالۋعا جاقىن. ءدال وسى باسەكەدە ەشكىم كۇتپەگەن ناتيجە تىركەلۋدە. قازاقستاننان شىققان ەرسىن بالتاعۇل قاڭتار ايىنداعى باسيونىڭ باستى كەيىپكەرى بولدى. بالۋان كۇنشىعىس ەلىندە كيمبودزان حيرۋكي لاقاپ اتىمەن تانىمال.

قازىرگى تاڭدا 9 اينالىم قورىتىندىسى بويىنشا بالتاعۇل تۋرنيرلىك كەستەنىڭ كوش باسىندا. كيمبودزان حيرۋكي – قاڭتار ايىنداعى باسيودا بىردە-ءبىر رەت جەڭىلمەگەن جالعىز بالۋان. ەرسىننەن كەيىن رەيتينگتە موڭعول سۋموشىسى تيەسەما, ءۇشىنشى جانە ءتورتىنشى ورىنعا جاپوندىق وحو مەن تاكەرۋفۋدزي ورنالاسقان. يمپەراتور ءتۋرنيرى 26 قاڭتاردا اياقتالادى. جارىس سوڭىنا دەيىن بالۋاندار تاعى 5 جەكپە-جەك وتكىزەدى.

كيمبودزان حيرۋكي – ەليتالىق ديۆيزيونعا قوسىلعان العاشقى قازاقستاندىق سۋموشى. ەرسىن الماتى وبلىسىندا دۇنيەگە كەلگەن. سۋموعا دەيىن ول دزيۋدو سپورتىمەن اينالىسقان.