Qazaqstandyq sýmoshy Japonııada top jardy

Foto:Iaponskaıa Assoııaııa sýmo

Qazaqstandyq sýmoshy Ersin Baltaǵul Japonııadaǵy Imperator kýboginda alǵash ret kóshbasshy atandy, dep habarlaıdy qandastar.kz

“Dıadıa Vanıa” telegram arnasynyń jazýynsha, Tokıodaǵy “Kokýgıkan” sýmo saraıynda Japonııa eliniń elıtalyq dıvızıonynda ótetin eń bedeldi ulttyq kúres týrnırleriniń biri aıaqtalýǵa jaqyn. Dál osy básekede eshkim kútpegen nátıje tirkelýde. Qazaqstannan shyqqan Ersin Baltaǵul qańtar aıyndaǵy basıonyń basty keıipkeri boldy. Balýan Kúnshyǵys elinde Kımbodzan Hırýkı laqap atymen tanymal.

Qazirgi tańda 9 aınalym qorytyndysy boıynsha Baltaǵul týrnırlik kesteniń kósh basynda. Kımbodzan Hırýkı – qańtar aıyndaǵy basıoda birde-bir ret jeńilmegen jalǵyz balýan. Ersinnen keıin reıtıngte mońǵol sýmoshysy Tıesema, úshinshi jáne tórtinshi orynǵa japondyq Oho men Takerýfýdzı ornalasqan. Imperator týrnıri 26 qańtarda aıaqtalady. Jarys sońyna deıin balýandar taǵy 5 jekpe-jek ótkizedi.

Kımbodzan Hırýkı – elıtalyq dıvızıonǵa qosylǵan alǵashqy qazaqstandyq sýmoshy. Ersin Almaty oblysynda dúnıege kelgen. Sýmoǵa deıin ol dzıýdo sportymen aınalysqan.