قازاقستاندىق جازۋشى اكىم تارازي دۇنيەدەن ءوتتى

فوتو: اشىق دەرەككوز

قازاقستاندىق جازۋشى, دراماتۋرگ اكىم تارازي 92 جاسىندا دۇنيەدەن ءوتتى. مەملەكەت باسشىسى قاسىم-جومارت توقاەۆ قازاعا بايلانىستى كوڭىل ايتۋ جەدەلحاتىن جولدادى, دەپ جازدى qandastar.kz

جازۋشى 2023 جىلى ءوزىنىڭ 90 جىلدىق مەرەيتويىن اتاپ وتكەن.

قاسىم-جومارت توقاەۆ ەڭبەك ەرى اكىم ءتارازيدىڭ قازاسىنا بايلانىستى ونىڭ جۇبايى, مەملەكەتتىك سىيلىقتىڭ يەگەرى روزا مۇقانوۆا مەن بالالارىنا كوڭىل ايتتى.

“اكىم تارازي بۇكىل سانالى عۇمىرىن ءسوز ونەرىنە ارناعان, ءتول ادەبيەتىمىز بەن مادەنيەتىمىزدى تورگە وزدىرعان ۇلتىمىزدىڭ ءبىرتۋار پەرزەنتى ەدى. دارىندى قالامگەر قازاق پروزاسىنىڭ كوكجيەگىن كەڭەيتتى, ۇلتتىق كينو جانە دراماتۋرگيا سالاسىنا ولشەۋسىز ۇلەس قوستى. اسىل مۇراتىنان ەشقاشان اينىماعان قالام يەسىن كوزى قاراقتى وقىرمان «ادەبيەت الەمىنىڭ اكىمى» دەپ ارداق تۇتتى, زيالى قاۋىم ونىڭ شىعارماشىلىعىمەن قاتار ادامگەرشىلىك قاسيەتتەرىن ەرەكشە باعالادى. ونەگەلى ءومىر ءسۇرىپ, سوڭىنا مول مۇرا قالدىرعان اكىم ءتارازيدىڭ جارقىن بەينەسى حالقىمىزدىڭ جۇرەگىندە ماڭگى ساقتالادى”, – دەلىنگەن جەدەلحاتتا.

اكىم تارازي – مەملەكەتتىك سىيلىقتىڭ لاۋرەاتى جانە ەلىمىزدىڭ ەڭبەك سىڭىرگەن قايراتكەرى.

•  «اقبەردىنىڭ اۋلاسى»,
• «بۇلتقا سالعان ۇياسىن»,
• «تاسجارعان» رومانى,
• «قورقاۋ جۇلدىز» رومانى,
• «شەر»,
• «قيانات»,
• «مۇستافا شوقاي»,
• ء«تاج»,
• «جاڭبىرلى تۇندەر» روماندارىنىڭ جانە تاعى دا باسقا شىعارمالاردىڭ اۆتورى.