Qazaqstandyq jazýshy Ákim Tarazı dúnıeden ótti

Foto: ashyq derekkóz

Qazaqstandyq jazýshy, dramatýrg Ákim Tarazı 92 jasynda dúnıeden ótti. Memleket basshysy Qasym-Jomart Toqaev qazaǵa baılanysty kóńil aıtý jedelhatyn joldady, dep jazdy qandastar.kz

Jazýshy 2023 jyly óziniń 90 jyldyq mereıtoıyn atap ótken.

Qasym-Jomart Toqaev Eńbek eri Ákim Tarazıdiń qazasyna baılanysty onyń jubaıy, Memlekettik syılyqtyń ıegeri Roza Muqanova men balalaryna kóńil aıtty.

“Ákim Tarazı búkil sanaly ǵumyryn sóz ónerine arnaǵan, tól ádebıetimiz ben mádenıetimizdi tórge ozdyrǵan ultymyzdyń birtýar perzenti edi. Daryndy qalamger qazaq prozasynyń kókjıegin keńeıtti, ulttyq kıno jáne dramatýrgııa salasyna ólsheýsiz úles qosty. Asyl muratynan eshqashan aınymaǵan qalam ıesin kózi qaraqty oqyrman «Ádebıet áleminiń Ákimi» dep ardaq tutty, zııaly qaýym onyń shyǵarmashylyǵymen qatar adamgershilik qasıetterin erekshe baǵalady. О́negeli ómir súrip, sońyna mol mura qaldyrǵan Ákim Tarazıdiń jarqyn beınesi halqymyzdyń júreginde máńgi saqtalady”, – delingen jedelhatta.

Ákim Tarazı – Memlekettik syılyqtyń laýreaty jáne elimizdiń Eńbek sińirgen qaıratkeri.

•  «Aqberdiniń aýlasy»,
• «Bultqa salǵan uıasyn»,
• «Tasjarǵan» romany,
• «Qorqaý juldyz» romany,
• «Sher»,
• «Qııanat»,
• «Mustafa Shoqaı»,
• «Táj»,
• «Jańbyrly túnder» romandarynyń jáne taǵy da basqa shyǵarmalardyń avtory.