Qazaqstandyq jigit 2011 jyly ózin basy daýǵa qalǵan reper P. Diddy qalaı asyrap alǵysy kelgenin aıtty

Foto: ashyq derekkóz

Atyshýly amerıkalyq reper Shon Kombs (P. Diddy) qazirgi ýaqytta seksýaldyq qylmystarmen aıyptalyp jatyr.BAQ betterinde onyń 2011 jyly Almatydaǵy № 2 balalar úıine kelgeni aıtylǵan edi. «Izvestııa» basylymy ol barǵan balalar úıiniń burynǵy tárbıelenýshisin taýyp, onyń sheteldik juldyzben kezdesýi jaıly suraǵan. Bul týraly Stan.kzaqparat agenttigi habarlaıdy.

Rahım Rýshanov qazir 27 jasta. Jigit Almatyda páter jaldaıdy, jazda barmen, qysta gaz qazandyqtaryn jóndeý sheberi bolyp jumys isteıdi.

Ol balalar úıine alty jasynda kelgenin aıtty. P. Diddy Almatydaǵa kelgende ol 13 jasta edi. Mekeme qabyrǵasynda qonaqty ertip júrip tanystyrý jumysy Rahımǵa tapsyrylǵan.

«Ony qarsy aldyq. Aldymen ekskýrsııa jasap, bólmelerdi, aýmaqty, sport zaldy kórsettik. Balalar úıine shaǵyn rýmtýr ótkizildi. Odan keıin akt zalyna bardyq, bir saǵattaı konert boldy. Keıin ol qoltańba berip jatty. Ol meni únemi qolymnan ustap júrdi. Bul men úshin maqtaý sııaqty kórinetin. Birde arqamnan sıpap, birde arqamnan qaǵyp, ‘thank you’ dep, taǵy bir nárse aıtty», – dep eske aldy Rýshanov.

Balanyń mýzykanttyń sózin túsinbegen, sebebi ol aǵylshyn tilin bilmeıtin. Rýshanovqa tek bir ǵana sózdi aýdarǵan, ıaǵnı ártistiń ony balalar úıinen alyp ketkisi keletinin aıtqan.

«Ol aǵylshyn tilinde sóıledi. Maǵan aýdarylǵan jalǵyz sóılem: «Ol seni ózimen birge alyp ketkisi keledi». Sodan keıin bul taqyryp shamamen bir aı boıy qozǵalyp júrdi. Bir sátte úmittene bastadym. Men balalar úıiniń balasymyn, al amerıkandyq juldyz meni Amerıkaǵa alyp ketkisi keledi. Ol kezde mundaıdy estý baqyt edi. Biraq aqyrynda meni asyrap alý múmkin bolmady, sebebi, maǵan aıtqandaı, ol tek meni ǵana alǵysy kelgen, al balalar úıinde meniń ápkelerim bar edi», – dep áńgimeledi burynǵy balalar úıiniń tárbıelenýshisi.

Alaıda balalar úıiniń burynǵy dırektory Aqmaral Shataeva, P.Diddy óz sapary kezinde balany asyrap alýǵa shynaıy qyzyǵýshylyq bildirgen be degen suraqqa: «Qaıdaǵy! Ondaı bolǵan joq» dep tańdanyp jaýap berdi. Onyń pikirinshe, bul bireýdiń qaljyńy bolýy múmkin.

«Rahım ózi qara tory bala ǵoı. Sol kezde, múmkin, bireý jaı ǵana qaljyńdaǵan shyǵar. Al shyn máninde ondaı bolmady. Men esimde saqtap qalar edim. Ondaı bolýy múmkin emes. Sizge senimdi aıtamyn, ol balany asyrap alǵysy keletindeı qyzyǵýshylyq bolmaǵan», – dedi ol.

Burynǵy dırektordyń pikirinshe, juldyzdyń balalar úıine kelýi onyń saparynyń qaıyrymdylyq maqsatyn kórsetý úshin qajet bolǵan. Reper balalarǵa óziniń mýzykalyq dıskileri, teledıdarlar jáne kepkeler ákeldi, bul týraly sol kezde BAQ jazǵan.

Mekeme kópten beri jabylǵan, biraq Shataeva sol kezdegi tárbıelenýshiler men ujymdy qazirgi ýaqytta reperdiń qara nıetti áreketimen baılanystyratynyna qynjyltatynyn atap ótti.

«Bizdegi balalar úıinen sheteldikter balalardy asyrap alǵysy keldi degen áńgime múldem bolǵan emes. Bizdiń tárbıelenýshilerimizge de, qyzmetkerlerimizge de qazirgi ýaqytta balalardy satyp jiberdi degen áńgimelerdi estý óte aýyr. Balalar — taýar emes, olardy satýǵa bolmaıdy. Bilim mınıstrligine nemese Syrtqy ister mınıstrligine suraý salsańyzdar, balalardyń qansha ret shetelge shyǵarylǵanyn kóresizder», – dep ashýlandy burynǵy dırektor.

Eske sala ketsek, P. Diddy laqap atymen tanylǵan, reper jáne prodıýser Shon Kombspen bopsalaý, adam saýdasy jáne seksýaldy quldyqqa salý aıyptary boıynsha qamaýǵa alynǵan edi. Osy eldi dúr silkindirgen jańalyqtan soń onyń 2011 jyldary Qazaqstanǵa kelgen muraǵattyq vıdeolary paıda bolady.