قازاقستاندىقتار استانا كۇنىن اتاپ ءوتىپ جاتىر

فوتو: اشىق دەرەككوز

بۇگىن بارشا قازاقستاندىق استانا كۇنىن اتاپ وتۋدە. بيىل ەلوردا ءوزىنىڭ 26 جىلدىعىن تويلاپ جاتىر, دەپ حابارلايدى Sputnik قازاقستان.

قازاقستان تاۋەلسىزدىگىن العاننان كەيىن, ەل استاناسىن وڭتۇستىكتەن ورتالىققا قاراي كوشىرۋ ماسەلەسى كوتەرىلدى.

وسىلايشا ەلدىڭ جاڭا استاناسىنا وڭتايلى قالانى انىقتاۋ ءۇشىن رەسپۋبليكانىڭ بۇكىل اۋماعى مۇقيات زەرتتەلدى. تاڭداۋ اقمولا قالاسىنا ءتۇستى. 1994 جىلى 6 شىلدەدە سول كەزدەگى جوعارعى كەڭەس استانانى الماتىدان اقمولاعا اۋىستىرۋ تۋرالى شەشىم قابىلدادى.

ايتا كەتەرى, 6 شىلدە — تۇڭعىش پرەزيدەنت نۇرسۇلتان نازارباەۆتىڭ تۋعان كۇنى.
اراعا ءۇش جىل سالىپ, 1997 جىلى 20 قازاندا تۇڭعىش پرەزيدەنت نۇرسۇلتان نازارباەۆ استانانى اۋىستىرۋ تۋرالى جارلىققا قول قويدى. ال 1998 جىلى 6 مامىردا اقمولانىڭ اتاۋى استانا بولىپ وزگەرتىلدى.
جاڭا استانانىڭ رەسمي تۇساۋكەسەر تويى 1998 جىلى 10 ماۋسىمدا ءوتتى. بۇل كۇن 2006 جىلعا دەيىن ەلوردانىڭ تۋعان كۇنى رەتىندە مەرەكەلەنىپ كەلدى. كەيىنىرەك زاڭعا وزگەرىستەر ەنگىزىلىپ, مەملەكەتتىك مەيرامنىڭ داتاسى 6 شىلدەگە اۋىستىرىلدى.

ال 2019 جىلى قاسىم-جومارت توقاەۆتىڭ ۇسىنىسىمەن استانانىڭ اتاۋى نۇر-سۇلتانعا اۋىستىرىلدى. ال 2022 جىلى قايتادان استانانى قايتاردى.