Qazaqstandyqtar Astana kúnin atap ótip jatyr

Foto: ashyq derekkóz

Búgin barsha qazaqstandyq astana kúnin atap ótýde. Bıyl elorda óziniń 26 jyldyǵyn toılap jatyr, dep habarlaıdy Sputnik Qazaqstan.

Qazaqstan táýelsizdigin alǵannan keıin, el astanasyn ońtústikten ortalyqqa qaraı kóshirý máselesi kóterildi.

Osylaısha eldiń jańa astanasyna ońtaıly qalany anyqtaý úshin respýblıkanyń búkil aýmaǵy muqııat zertteldi. Tańdaý Aqmola qalasyna tústi. 1994 jyly 6 shildede sol kezdegi Joǵarǵy keńes astanany Almatydan Aqmolaǵa aýystyrý týraly sheshim qabyldady.

Aıta keteri, 6 shilde — tuńǵysh prezıdent Nursultan Nazarbaevtyń týǵan kúni.
Araǵa úsh jyl salyp, 1997 jyly 20 qazanda tuńǵysh prezıdent Nursultan Nazarbaev astanany aýystyrý týraly jarlyqqa qol qoıdy. Al 1998 jyly 6 mamyrda Aqmolanyń ataýy Astana bolyp ózgertildi.
Jańa astananyń resmı tusaýkeser toıy 1998 jyly 10 maýsymda ótti. Bul kún 2006 jylǵa deıin elordanyń týǵan kúni retinde merekelenip keldi. Keıinirek zańǵa ózgerister engizilip, memlekettik meıramnyń datasy 6 shildege aýystyryldy.

Al 2019 jyly Qasym-Jomart Toqaevtyń usynysymen Astananyń ataýy Nur-Sultanǵa aýystyryldy. Al 2022 jyly qaıtadan Astanany qaıtardy.