قازاقستاندىقتار ازيا چەمپيوناتىندا توپ جاردى

فوتو:سپورتتى دامىتۋ ديرەكتسياسى

شري-لانكا استاناسى كولومبودا بوكستان 22 جاسقا دەيىنگى سپورتشىلار اراسىنداعى ازيا چەمپيوناتىندا قازاقستان جاستار قۇراماسى تاريحي جەتىستىككە قول جەتكىزدى, دەپ حابارلايدى qandastar.kz

جاستار ساناتىنداعى (2007-2008 جىلدارى تۋعان) جارىس ناتيجەسىندە 25 سالماق دارەجەسى بويىنشا (13 ۇل, 12 قىز) جەڭىمپازدار انىقتالدى. ۇلدار اراسىنان فينالعا 11 قازاقستاندىق بوكسشى شىعىپ, سونىڭ 10-ى التىن جۇلدەگە يە بولدى. تاعى ءبىر سپورتشىمىز قولا مەدال يەلەنسە, ءبىر سالماقتا جۇلدە بۇيىرمادى.

جۇلدەگەرلەر ءتىزىمى:

نۇرحان قۇماربەكوۆ (48 كەلى)

دوسىمجان تاڭاتار (51 كەلى)

الديار ءباحادۇر (54 كەلى)

نىعمان نىعمەت (57 كەلى)

ادىلەت تورتۋبەك (60 كەلى)

مۇحيت نۇرقابىل ۇلى (63.5 كەلى)

سۇلتان تۇردالى (67 كەلى)

يگور سولوۆيوۆ (80 كەلى)

راسۋل اسانحانوۆ (92 كەلى)

بەكسۇلتان قايرات ۇلى (+92 كەلى)

جاسۇلان بەردالى (75 كەلى)

نۇرسۇلتان قىستاۋباي (86 كەلى)

ايتا كەتەرلىگى, بۇعان دەيىن قىزدار قۇراماسى دا 12 سالماقتىڭ بارلىعىندا توپ جارىپ, وزدەرىنىڭ مىقتىلىعىن پاش ەتتى. وسىلايشا, قازاقستان جالپى ەسەپتە 22 التىن مەدالمەن كوش باستادى.