Qazaqstandyqtar Azııa chempıonatynda top jardy

Foto:Sportty damytý dırekııasy

Shrı-Lanka astanasy Kolomboda bokstan 22 jasqa deıingi sportshylar arasyndaǵy Azııa chempıonatynda Qazaqstan jastar quramasy tarıhı jetistikke qol jetkizdi, dep habarlaıdy qandastar.kz

Jastar sanatyndaǵy (2007-2008 jyldary týǵan) jarys nátıjesinde 25 salmaq dárejesi boıynsha (13 ul, 12 qyz) jeńimpazdar anyqtaldy. Uldar arasynan fınalǵa 11 qazaqstandyq boksshy shyǵyp, sonyń 10-y altyn júldege ıe boldy. Taǵy bir sportshymyz qola medal ıelense, bir salmaqta júlde buıyrmady.

Júldegerler tizimi:

Nurhan Qumarbekov (48 keli)

Dosymjan Tańatar (51 keli)

Aldııar Bahadúr (54 keli)

Nyǵman Nyǵmet (57 keli)

Ádilet Tortýbek (60 keli)

Muhıt Nurqabyluly (63.5 keli)

Sultan Turdaly (67 keli)

Igor Solovıov (80 keli)

Rasýl Asanhanov (92 keli)

Beksultan Qaıratuly (+92 keli)

Jasulan Berdaly (75 keli)

Nursultan Qystaýbaı (86 keli)

Aıta keterligi, buǵan deıin qyzdar quramasy da 12 salmaqtyń barlyǵynda top jaryp, ózderiniń myqtylyǵyn pash etti. Osylaısha, Qazaqstan jalpy esepte 22 altyn medalmen kósh bastady.