Qazaqstandyqtar Azııa chempıonatynda júlde aldy

Foto: Olympic.kz

Dammam qalasynda (Saýd Arabııasy) jeńil atletıkadan jasóspirimder arasyndaǵy Azııa chempıonaty óz máresine jetti. Bul jarysta Qazaqstan quramasy alty medal jeńip aldy, dep jazdy qandastar.kz

Komandanyń qorjynynda bir altyn medal bar. Ony Polına Kýzýbova (jetisaıys) jeńip aldy. Onsaıysta Asqar О́mirzaq ekinshi orynǵa ıe boldy.

Qola júldeni Asylzat Qydyrbaı (jetisaıys), Dmıtrıı Shkerdın (syryqpen sekirý), Evelına Rıabkova jáne Kırıll Savchenko (ekeýi de 400 metrge kedergiler arqyly júgirý) jeńip aldy.

Medaldar kestesinde Qazaqstan quramasy onynshy orynǵa turaqtady. Birinshi oryndy Qytaı ıelense, ekinshi oryn О́zbekstan komandasyna buıyrdy, al Japonııa úzdik úshtikti túıindedi.