Qazaqstandyqtar bes kún boıy aqsha aýdara almaýy múmkin: buǵan ne sebep?

Foto: gov.kz

Qazaqstanda 2026 jyldan bastap bankter, tólem júıeleri men uıaly baılanys operatorlary kúmándi dep tapqan qarjy aýdarymdaryn bes jumys kúnine deıin buǵattaı alady, dep habarlaıdy qandastar.kz Dalanews.kz-ke silteme jasap.

Mundaı talap 2025 jyldyń 30 maýsymynda qol qoıylǵan «Tólemder jáne tólem júıeleri týraly» zańǵa engizilgen ózgeristerde kórsetilgen. Buǵan deıin kúmándi tranzakııalar eń kóp degende úsh kúnge buǵattalyp kelgen.

Jańa erejege sáıkes, bankter men qarjy uıymdary qandaı da bir tranzakııadan alaıaqtyq belgilerin baıqasa, ol operaııany dereý toqtatyp, klıentten túsinikteme talap etýge quqyly. Eger paıdalanýshy qarjynyń zańdy ekenin dáleldeı almasa, onyń esepshoty nemese elektrondy ámııany tolyqtaı anyq-qanyǵy belgili bolǵanǵa deıin buǵatta turady.

Eger klıent operaııanyń zańdylyǵyn rastaıtyn aqparatty usynsa, buǵattalǵan qarajat dereý ashylady. Al aýdarym shynymen de alaıaqtyq áreket bolyp shyqsa, klıenttiń derekteri quqyq qorǵaý organdaryna beriledi. Sondaı-aq, bul paıdalanýshy «kúdikti operaııalar» týraly arnaıy bazaǵa tirkeledi.