Jańalyqtar
Qazaqstandyqtar deklaraııa tapsyrmaıtyn boldy
Foto: ashyq derekkóz
Jaqynda Prezıdent Qasym-Jomart Toqaev azamattardy jappaı deklaraııa tapsyrýǵa mindetteýge qatysty pikir bildirdi. Memleket basshysy aýqymdy jumystardan soń keler jyly azamattardy deklaraııa tapsyrýǵa mindetteý bastamasyn qaıta qaraý qajettigin meńzedi. Úkimet te der kezinde áreket etip, búgin 2025 jyly jeke tulǵalar mindetti túrde deklaraııa tapsyrýdan bosatylatyny habarlandy, dep jazady qandastar.kz
«Prezıdent jappaı deklaraııalaý tásilderin qaıta qaraýdy tapsyrdy. Qazir deklaraııany 4 mlnnan asa adam tapsyrady. Olardyń ishinde memlekettik qyzmetkerler, kvazımemlekettik sektor men bıznes ókilderi bar. 2025 jyly azamattardyń qalǵan barlyq sanaty da deklaraııa tapsyrady dep josparlanǵan. Oǵan halyq alańdaýshylyq bildirdi. Sondyqtan atalǵan máselege memleket basshysy óziniń nazaryn aýdardy», – dedi Premer-mınıstr Oljas Bektenov.
Onyń aıtýynsha, qazir memlekettik organdardyń bazasy barynsha ıfrlandyrylǵan, qarjylyq jáne valıýtalyq baqylaý kúsheıtildi.
«Halyqaralyq kelisimder sheńberinde shottar boıynsha derekter almasý jolǵa qoıyldy. ıfrlyq qyzmetter kórsetý keń taralǵan. Sondyqtan jalpy alǵanda jeke tulǵalardyń aktıvteri boıynsha barlyq aqparat bar. Qarjy jáne ıfrlandyrý mınıstrlikteri tirkeý jáne salyqtyq baqylaý úshin barlyq ıfrlyq bazadan, onyń ishinde ekinshi deńgeıli bankterden málimetter alýdy qamtamasyz etkeni jón», – dedi premer-mınıstr.
Osyny negizge ala kele Úkimet jeke tulǵalardy deklaraııa tapsyrýdan bosatý kerek degen ustanymǵa kelgen.
«Sondyqtan men 2025 jyly azamattardyń qalǵan sanattaryn aktıvter týraly deklaraııany mindetti túrde tapsyrýdan bosatý týraly Qarjy mınıstrliginiń usynysyn qoldaımyn. Osyǵan baılanysty qarjy mınıstrligi Ulttyq ekonomıka, Ádilet mınıstrlikterimen birge 3 kún ishinde qajet zańnamalyq túzetýler ázirlep Parlamentke tıisti jumysty júrgizýi kerek», – dedi Úkimet basshysy.
