قازاقستاندىقتار ەندى حقو قىزمەتكەرلەرىن ۇيلەرىنە شاقىرا الادى

فوتو: اشىق دەرەككوز

قازاقستاندا ەندى حالىققا قىزمەت كورسەتۋ ورتالىقتارىنىڭ قىزمەتكەرلەرىن ۇيىڭىزگە شاقىرۋعا بولادى. بۇل تۋرالى Stan.kz اقپارات اگەنتتىگى حابارلايدى.

“قازاقستاندىقتار ەندى مەملەكەتتىك قىزمەتتەردى الۋ ءۇشىن حالىققا قىزمەت كورسەتۋ ورتالىعىنا بارماسا دا بولادى. حالىققا قىزمەت كورسەتۋ ورتالىعىنىڭ قىزمەتكەرىن ۇيىڭىزگە شاقىراتىن جاڭا قىزمەت ىسكە قوسىلدى. مامان كورسەتىلگەن مەكەنجاي بويىنشا بەلگىلەنگەن ۋاقىتتا كەلە الادى. تولقۇجات, جەكە كۋالىك, جۇرگىزۋشى كۋالىگىن الۋدان باسقا كەز كەلگەن مەملەكەتتىك قىزمەتتەردى ەندى ۇيىڭىزدە وتىرىپ الا الاسىز.», – دەلىنگەن اقپاراتتا.

پيلوتتىق جوبا قازاقستاننىڭ بارلىق ايماقتارىندا ىسكە قوسىلدى.

حقو قىزمەتكەرىن ۇيگە شاقىرۋ ءۇشىن مەملەكەتتىك كورپوراتسيانىڭ رەسمي سايتىندا «جەكە تۇلعالاردىڭ ۇيدەگى مەنەدجەرى” باتىرماسىن باسىپ, قاجەتتى اقپاراتتى تولتىرساڭىز جەتكىلىكتى. سونداي-اق 1414 تەلەفونىنا حابارلاسۋ ارقىلى دا قىزمەتكەردى ۇيىڭىزگە شاقىرا الاسىز.

«مەملەكەتتىك كورپوراتسيا قىزمەتتى جاقسارتۋ ءۇشىن تۇراقتى تۇردە جۇمىس ىستەپ جاتىر. ءبىز وسىعان دەيىن دە حالىققا قىزمەت كورسەتۋ ورتالىقتارىندا كەزەك كۇتپەي قىزمەت الۋ تەتىگىن ۇسىنعان بولاتفنبىز. ەندى ورتالىقتاردىڭ قىزمەتكەرلەرى قىزمەت الۋشىنىڭ وزىنە بارادى. بۇل ۋاقىتى تىعىز ادامدار ءۇشىن وتە ىڭعايلى», – دەپ اتاپ ءوتتى “ازاماتتارعا ارنالعان ۇكىمەت» باسقارما توراعاسى ارمان كەنجەعاليەۆ.

ەسكە سالساق, وسىعان دەيىن ەندى قازاقستاندىقتاردىڭ نەكەسىن حالىققا قىزمەت كورسەتۋ ورتالىعىنىڭ قىزمەتكەرلەرى قياتىنىن جازعانبىز.