جاڭالىقتار
قازاقستاندىقتار ەندى ءتىس ەمدەۋ ءۇشىن زەينەتاقى شەگەرىمدەرىن قولدانا المايدى
فوتو: pixabay.com
وتباسى بانكى 15 قىركۇيەكتەن باستاپ زەينەتاقى جيناقتارىنىڭ ارتىعىن ستوماتولوگيالىق ەمگە پايدالانۋ بويىنشا وتىنىمدەردى قابىلداۋدى توقتاتادى, دەپ جازدى qandastar.kz
بۇل تۋرالى Stan.kz اقپارات اگەنتتىگى حابارلايدى.
بانك enpf-otbasy.kz ونلاين پلاتفورماسىندا ستوماتولوگيالىق قىزمەتتەرگە تولەم جاساۋ ءۇشىن بىرجولعى زەينەتاقى تولەمدەرىن (بزت) پايدالانۋ جونىندەگى وتىنىمدەردى قابىلداۋ توقتاتىلاتىنىن مالىمدەدى.
ال وسى كۇنگە دەيىن بەرىلگەن بارلىق وتىنىمدەر جالپى تارتىپپەن قارالىپ, وڭدەلەدى.
قارجى ۇيىمى زەينەتاقى جيناقتارىنىڭ ارتىعىن ستوماتولوگيالىق ەمگە پايدالانۋ بويىنشا وتىنىمدەردى قابىلداۋ قايتا باستالعان جاعدايدا, بۇل تۋرالى قوسىمشا حابارلاناتىنىن ناقتىلادى.
ستوماتولوگيالىق قىزمەتتەر ءۇشىن بزت-نى پايدالانۋدى جوسپارلاپ وتىرعان ازاماتتار وتىنىمدەرىن 15 قىركۇيەككە دەيىن بەرۋلەرى قاجەت.
ەسكە سالساق, بۇعان دەيىن قازاقستاندىقتاردىڭ «تىس ەمدەتۋ» ءۇشىن زەينەتاقى قورىنان 200 ميلليارد تەڭگە شەشكەنىن حابارلاعان ەدىك.
