Qazaqstandyqtar endi tis emdeý úshin zeınetaqy shegerimderin qoldana almaıdy

Foto: pixabay.com

Otbasy banki 15 qyrkúıekten bastap zeınetaqy jınaqtarynyń artyǵyn stomatologııalyq emge paıdalaný boıynsha ótinimderdi qabyldaýdy toqtatady, dep jazdy qandastar.kz

Bul týraly Stan.kz aqparat agenttigi habarlaıdy.

Bank enpf-otbasy.kz onlaın platformasynda stomatologııalyq qyzmetterge tólem jasaý úshin birjolǵy zeınetaqy tólemderin (BZT) paıdalaný jónindegi ótinimderdi qabyldaý toqtatylatynyn málimdedi.

Al osy kúnge deıin berilgen barlyq ótinimder jalpy tártippen qaralyp, óńdeledi.

Qarjy uıymy zeınetaqy jınaqtarynyń artyǵyn stomatologııalyq emge paıdalaný boıynsha ótinimderdi qabyldaý qaıta bastalǵan jaǵdaıda, bul týraly qosymsha habarlanatynyn naqtylady.

Stomatologııalyq qyzmetter úshin BZT-ny paıdalanýdy josparlap otyrǵan azamattar ótinimderin 15 qyrkúıekke deıin berýleri qajet.

Eske salsaq, buǵan deıin qazaqstandyqtardyń «tis emdetý» úshin zeınetaqy qorynan 200 mıllıard teńge sheshkenin habarlaǵan edik.