قازاقستاندىقتار قۇقىق قورعاۋ جۇيەسىنە سەنەدى, شۋدىڭ ءبارىن كوتەرەتىن جۋرناليستەر – دەپۋتات

فوتو: اشىق دەرەككوز

سەنات دەپۋتاتى مارات قوجاەۆ حالىقتىڭ قۇقىق قورعاۋ جۇيەسىنە سەنەتىنىن, ەل اراسىندا شۋ شىعارىپ, داۋرىقتىراتىن جۋرناليستەر ەكەنىن ايتتى. بۇل تۋرالى qandastar.kz Stan.kz اقپارات اگەنتتىگىنە سىلتەمە جاساپ حابارلايدى.

ءماجىلىس الاڭىندا ءتىلشى دەپۋتات مارات قوجاەۆتان 6 اي بويى سەكسۋالدىق قۇلدىقتا ۇستاعان قىزىلوردالىق وقۋشىنىڭ ءىسى قالاي ءجۇرىپ جاتقانىن سۇرادى. باق وكىلى ىستىڭ قۇپيالىعىنا بايلانىستى قوعام كىنالىلەر جازادان قۇتىلىپ كەتەدى دەپ قورقاتىنىن جەتكىزدى.

“قوعامدا ونداي قورقىنىش جوق. اقپاراتتىق رەسۋرستاعى جاعدايدى داۋرىقتىرىپ جاتقان سىزدەر, جۋرناليستەر. حالىقتىڭ باسىم كوپشىلىگى ەلىمىزدىڭ قۇقىقتىق جۇيەسىنە سەنەدى دەپ ويلايمىن. جۋرناليستەر “شۋ كوتەرسەك ءىس مۇقيات قارالادى” دەپ ويلايدى”, – دەيدى مارات قوجاەۆ.

الايدا دەپۋتات مۇنىڭ بەكەرشىلىك ەكەنىن ايتتى.

“سوتتا تەك پروتسەسسۋالدى دالەلدەر عانا قارالادى. سىزدەردىڭ الەۋمەتتىك جەلىدە داۋرىعىپ, شۋ كوتەرگەندەرىڭىز ەسكەرىلمەيدى. ايعاقتار راستالعان جاعدايدا كىنالى ادام وزىنە لايىقتى جازاسىن الادى”, – دەيدى دەپۋتات.

مارات قوجاەۆ تالعارداعى 16 جاستاعى ءجاسوسپىرىمنىڭ جانتۇرشىگەرلىك ولىمىنە قاتىستى قازاقستاندا قىلمىس ورشۋى تۋرالى سۇراققا جاۋاپ بەردى. دەپۋتات ستاتيستيكاعا جۇگىنۋگە كەڭەس بەرەدى.

ء“سىز قالا كوشەلەرىندە تاۋلىكتىڭ كەز كەلگەن ۋاقىتىندا سەرۋەندەي الاسىز, كەز كەلگەن قوعامدىق ورىنداردى ارالايسىز. سىزدەر بىرجەردە شەكتەن تىس تارتىپسىزدىك بولعانىن بايقادىڭىزدار ما?” – دەدى مارات قوجاەۆ سۇراققا سۇراقپەن جاۋاپ بەرىپ.

بۇعان دەيىن دەپۋتات قازاقستاندا قىلمىس جاساعاندارعا زاڭ ونسىز دا قاتال ەكەنىن ايتقان ەدى.