Jańalyqtar
Qazaqstandyqtar laıyqty ómir súrý úshin qansha tabys tabýy kerek – mınıstr jaýaby
Eńbek jáne halyqty áleýmettik qorǵaý mınıstri Svetlana Jaqypova qazaqstandyqtar jaıly ári laıyqty ómir súrýi úshin sapaly jumys isteýi kerektigin aıtty.
«Laıyqty ómir súrý degende biz eńbek naryǵy tujyrymdamasynyń bekitilgenin jáne Qazaqstan jańa sapaly jumys oryndaryn qurý jolynda ekenin aıtyp otyrmyz. Elimizde bar bolǵany 2 mln 100 sapaly jumys orny bar, endi kórsetkishti kem degende 3 mıllıon 800-ge jetkizgeli otyrmyz. Jalaqy eń tómengi deńgeıden kem bolmaýy kerek. Áleýmettik kepildikter bolǵan kezde, turaqty jumys bolsa, jalaqy ortasha kórsetkishten tómen emes, kerisinshe odan joǵary bolýy múmkin jáne mindetti túrde eńbek qaýipsizdigi saqtalǵan jaǵdaıda ol jumys sapaly dep sanalady. Jumys berýshiler osy 4 krıterııdi nazarǵa alýy tıis. Memlekettik ınspektor jumysty tikeleı osy krıterııler boıynsha baǵalaýdy qamtamasyz etýi kerek», – dep jaýap berdi Svetlana Jaqypova elordada ótken «Eńbekti qorǵaý jáne ónerkásiptik qaýipsizdik» atty halyqaralyq konferenııa barysynda BAQ ókilderiniń saýalyna jaýap bere otyryp.
Sondaı-aq, BAQ ókilderi mınıstrden «Jaıly ómir súrý úshin tabys eń tómengi jalaqydan joǵary bolýy kerek pe?» dep naqtylady.
«Mindetti túrde, eń tómengi jalaqy – tómen bilikti eńbek úshin eńbekaqy tóleýdi kózdeıtin eń tómengi jalaqy standarty. Bul degenimiz adamnyń quzyreti, daǵdylary men bilimi joq», – deıdi ol.
