ءبىلىمجاڭالىقتار
قازاقستاندىقتار مەكتەپتەردە ءدىني كيىم كيۋگە قارسىلىق تانىتىپ, پەتيتسيا جاريالادى
فوتو: Pixabay
Epetition.kz وتىنىشتەر سايتىندا قازاقستاندىقتىڭ وقۋ-اعارتۋ مينيسترلىگىنە ۇندەۋى جاريالاندى. وندا قازاقستان مەكتەپتەرىندە ءدىني كيىم كيۋگە تىيىم سالۋدى زاڭ جۇزىندە كەڭەيتۋ سۇرالعان.
پەتيتسيادا مىندەتتى مەكتەپ فورماسى زاڭدار ارقىلى انىقتالعانى جازىلعان. سونداي-اق بۇل زاڭدار ءبىلىم بەرۋ مەكەمەلەرىندە ءدىني سيمۆوليكا تاعۋعا تىيىم سالادى. الايدا قازاقستاندىقتار كوپ جاعدايدا بۇل شەكتەۋلەردى زاڭعا تاۋەلدى اكتىلەرگە جاتقىزادى. مۇنداي ەكىۇشتىلىقتى بولدىرماۋ ءۇشىن اۆتورلار فرانتسيادان ۇلگى الۋ ارقىلى زاڭداردى كەڭەيتۋدى ۇسىنادى. وندا ۇلدار مەن قىزدارعا ارنالعان شالباردىڭ ۇزىندىعى تۋرالى نورمالارمەن بىرگە يۋبكا ۇزىندىعىنا قويىلاتىن تالاپتار دا بار. ولار تىزەدەن تومەن بولۋى كەرەك, ال ۇستىڭگى كيىم مويىندى جابۋى كەرەك.
«ۇسىنىلعان تولىقتىرۋلاردى قابىلداۋ قوعامدى تۇراقسىزداندىراتىن كوپتەگەن مانيپۋلياتسيانىڭ الدىن الۋعا كومەكتەسەدى. ناتيجەسىندە مىندەتتى مەكتەپ فورماسى تۋرالى داۋعا نۇكتە قويۋعا, زايىرلى نەگىزدەردى نىعايتۋعا جانە جالاڭ ايىپتاۋلاردى جويۋعا بولادى», – دەيدى اۆتورلار.
وسىلايشا, اۆتورلار ۇسىنىستاردىڭ زاڭداردى وزىنشە تاپسىرلەۋدى بولدىرمايتىنىن, قازاقستاندىق ۇلتتىق بىرەگەيلىك پەن كونفەسسياارالىق كەلىسىمدى قورعايتىنىن ايتۋدا.
پەتيتسيا ءماتىنى 2024 جىلدىڭ 13 تامىزىندا جاريالانعان.
