قازاقستاندىقتار نەسيەنى كوپتەپ الا باستاعان

كوللاج Ulysmedia.kz

قازاقستاندىقتان تۇتىنۋشى نەسيەلەرىنە ءجيى جۇگىنەتىن بولعان, بانك الدىنداعى بەرەشەگى كوپ ايماقتار كوشىن الماتى باستاپ تۇر, دەپ حابارلايدى qandastar.kz Ulysmedia.kz سىلتەمە جاساپ.

ۇلتتىق بانك مالىمەتىنشە, 1 قازانداعى جاعداي بويىنشا قازاقستاندىقتاردىڭ تۇتىنۋشىلىق نەسيەلەرىنىڭ كولەمى 12,8 ترلن تەڭگەگە جەتكەن. كورسەتكىش جىل باسىنان بەرى 24,2%-عا نەمەسە 2,5 ترلن تەڭگەگە ارتقان.

بەرەشەككە باتقان ايماقتار ءتىزىمىن الماتى باستايدى. وڭتۇستىك استانالىقتار 3,9 ترلن تەڭگەگە قارىزعا كىرگەن. ەكىنشى ورىندا 1,3 ترلن تەڭگە قارىزبەن استانا تۇر, ءۇشىنشى ورىندى 1,01 ترلن تەڭگە بەرەشەكپەن شىمكەنت تۇيىندەيدى.

تۇتىنۋشىلىق نەسيەلەر نەگىزىندە بانك الدىندا قىرىزى كوبەيگەن وڭىرلەرگە قاراعاندى (740,6 ملرد تەڭگە) مەن اقتوبە وبلىستارى (543,6 ملرد تەڭگە) ەنگەن.

نەسيەنىڭ تومەنگى مولشەرى ۇلىتاۋ, الماتى وبلىستارىندا تىركەلگەن. ول جاقتىڭ تۇرعىندارى تيىسىنشە, 122,1 ملرد, 156,8 ملرد تەڭگەگە نەسيە راسىمدەگەن.

نەسيەلەردىڭ دەنى ادەتتەگىدەي ۇلتتىق ۆاليۋتادا الىنعان.