Qazaqstandyqtar óz ómirin qanshalyqty jıi saqtandyrady?

Elimizde halyqty saqtandyrý ónimderimen qamtý úlesi tómen.

О́mirdi saqtandyrý adamdardy kútpegen ári kezdeısoq jaǵdaılardan qorǵaýǵa múmkindik beredi.

Búginde elimiz boıynsha 16 jalpy saqtandyrý, 9 ómirdi saqtandyrý kompanııalary bar. Respýblıkada 6 mln-nan astam adam ómirin saqtandyrǵan. Polıstiń quny saqtandyrý túrine baılanysty ár alýan bolyp keledi

«Qazaqstan qarjygerler qaýymdastyǵy taldaý ortalyǵynyń málimetterine súıensek, 2023 jyly táýekelderdi iske asyrý nátıjesinde de, zańnamalyq yntalandyrý esebinen de О́SK ónimderine suranystyń artýy ómirdi saqtandyrý naryǵynyń barlyq negizgi kórsetkishiniń ósýin qamtamasyz etti. Máselen, 2023 jyly zeınetaqy annýıtettik saqtandyrý, ómirdi saqtandyrý jáne jazataıym oqıǵalardan saqtandyrý sııaqty ónimderge suranystyń artýy esebinen saqtandyrý syılyqaqylarynyń (+34,0% nemese 128,1 mlrd teńge) aıtarlyqtaı ósýi baıqaldy: jasalǵan sharttar sany tıisinshe 2,3 esege, 53,9%-ǵa jáne 3 esege ósti», – dedi Qazaqstan qarjygerler qaýymdastyǵy saqtandyrý sektoryn damytý ortalyǵynyń basqarýshy dırektory Baýyrjan Nagmanov.

Onyń sózinshe, otandyq life-sektor belsendi ósý satysynda tur.

«О́mirdi jınaqtaýshy saqtandyrýdy damytýǵa baǵyttalǵan zańnamalyq ózgerister bolashaqta bul ósimdi saqtap qalýǵa múmkindik beredi. Bul О́JS klıentteri úshin salyqtyq jeńildikter týraly másele. 3 jyl jáne odan da kóp merzimge ómirdi jınaqtaýshy saqtandyrý shartynyń bolýy saqtanýshyǵa kúntizbelik jyl ishinde tólengen saqtandyrý syılyqaqysynyń (saqtandyrý jarnalarynyń) mólsherine teń somaǵa, biraq AEK mólsheriniń 320 eselengen mólsherinen aspaıtyn, tabys salyǵynan bosatýǵa quqyq beredi», – dep jalǵastyrdy ol.

О́mirdi saqtandyrýshylar óz ónimderiniń assortımentin keńeıte bastaǵan. Máselen, sońǵy 5 jylda naryqta valıýtada jınaqtaýshy saqtandyrýdyń jańa baǵdarlamalary, sondaı-aq ınvestıııalyq saqtandyrý paıda boldy.

Baýyrjan Nagmanov mundaı saqtandyrý baǵdarlamalary banktik valıýtalyq salymdarǵa balama retinde alǵa jyljyp jatqanyn aıtady. Jyl sanap saqtandyrý ónimderiniń birazy onlaın formatqa aýysa bastaǵan.

Qazaqstandyqtar arasynda ómirdi saqtandyrýǵa suranys qandaı?

«Qarjy naryǵyn retteý jáne damytý agenttiginiń dereginshe, 2024 jylǵy 1 sáýirdegi jaǵdaı boıynsha Qazaqstanda 4,5 mln-ǵa jýyq saqtandyrý sharttary jasaldy, bul 2023 jylǵy osy kezeńmen salystyrǵanda 36%-ǵa artyq. Bul ósimniń negizgi draıverleri jazataıym oqıǵalardan saqtandyrý jáne ómirdi saqtandyrý qyzmetteri boldy. О́sý qarqyny men annýıtettik saqtandyrý boıynsha kóshbasshy – 2023 jyldyń birinshi toqsanyndaǵy 3 mlrd teńgeden bıylǵy jyldyń uqsas kezeńinde 40 mlrd teńgege deıin. Onyń ishinde zeınetaqy annýıtetteri boıynsha jarnalar 77%-ǵa nemese 23 mlrd teńgege ulǵaıdy. Bul jerde úsh jyl buryn zeınetaqy annýıtetine suranys aıtarlyqtaı tómendegenin eske salý qajet, óıtkeni qazaqstandyqtarǵa turǵyn úı satyp alýǵa jáne emdelýge artyq zeınetaqy jınaqtaryn alýǵa ruqsat etildi. Alaıda, bir jyldan astam ýaqyt buryn О́SK erli-zaıyptylardyń zeınetaqy jınaqtaryn biriktirýge múmkindik beretin «birlesken zeınetaqy annýıteti» baǵdarlamasyn iske qosty», – dedi Baýyrjan Nagmanov redakııa tilshisiniń saýalyna bergen jaýabynda.

Qazaqstan qarjygerler qaýymdastyǵynyń ókili qyzmetkerlerdi jazataıym oqıǵalardan mindetti saqtandyrý boıynsha syılyqaqylar da oń dınamıka kórsetip otyrǵanyn aıtty (+16 mlrd teńge). О́mirdi erikti saqtandyrý boıynsha kórsetkish +12 mlrd teńgeni qurady (+37%).

Otandyq ómirdi saqtandyrý kompanııalary ómirdi saqtandyrýdyń kelesi túrlerin usynady: qyzmetkerlerdi óndiristegi jazataıym oqıǵalardan mindetti saqtandyrý, zeınetaqy annýıteti, ómirdi jınaqtaýshy saqtandyrý, ómirdi merzimdi saqtandyrý.

«Qazir naryqta óte qyzyqty saqtandyrý ónimderi, onyń ishinde valıýta baǵamyna ındeksteý bar. Sondaı-aq, 2023 jyly memlekettik sýbsıdııasy bar jańa biregeı ónim balany oqytýǵa arnalǵan ómirdi jınaqtaýshy saqtandyrý paıda bolǵanyn atap ótken jón. Onyń artyqshylyǵy – saqtandyrý kompanııasynyń ınvestıııalyq tabysynan basqa, azamattardyń jınaqtaryna halyqtyń áleýmettik osal toptary úshin 7% jáne azamattardyń qalǵan sanattary úshin 5% mólsherinde memleketten jyl saıynǵy syılyqaqy qosylady. Onyń kómegimen azamattar memleketten qosymsha syılyq ala otyryp, balalardyń bilim alýyna aqsha jınaı alady», – dedi QQQ saqtandyrý sektoryn damytý ortalyǵynyń basqarýshy dırektory Baýyrjan Nagmanov.

Sarapshy halyqty qoldanystaǵy saqtandyrý ónimderimen qamtý tómen ekenin, jalpy saqtandyrýdy damytý úshin ekonomıkalyq yntalandyrý men múmkindikterdiń bolmaýy sııaqty kedergiler kezdesetinin jetkizdi.