QAZAQSTANDYQTAR ShENGEN VIZASYN ALÝ ÚShIN JALǴAN QUJAT TAPSYRǴAN

Qazaqstandyqtar Shengen vızasyn alý úshin jalǵan qujat usynýdy jıiletken. Bul – Eýropa elderi konsýldarynyń bergen aqparaty.

Jaǵymsyz faktiler óz kezeginde qujat rásimdeý merziminiń uzaryp, tipti vıza berýden bas tartý jaǵdaılarynyń artýyna áser etip otyr. Bul jaıynda elimizdiń Syrtqy ister mınıstrliginiń resmı ókili Aıbek Smadııarov brıfıngte málimdedi. Búginde mınıstrlik Eýropalyq odaq ókilderimen vızalyq rejımdi jeńildetý boıynsha jumysty jalǵastyryp jatyr.

Resmı ókil azamattarymyzǵa qajetti qujattardy usyný, vızaǵa ótinish berý, sondaı-aq alymdardy tóleý proesin muqııat baqylaýǵa shaqyrdy. Aıbek Smadııarov, QR Syrtqy ister mınıstrliginiń resmı ókili: — Vıza alý úshin jalǵan faktileri bar qujattardy usyný QR ımıdjine eleýli zııan keltirip, vızalyq rejımdi lıberalızaııalaý boıynsha kelissózderdi júrgizýdi qıyndatady. Sondaı-aq bolashaqta vızadan bas tartý múmkindigin arttyra otyryp, azamattarymyzdyń vızalyq tarıhyn nasharlatady. Mundaı usynylǵan qujattar olardy muqııat tekserý qajettiligine baılanysty vızalyq ótinishterdiń qaraý merzimin uzartady jáne nátıjesinde azamattardyń vızany keshiktirý týraly shaǵymdary jıilep ketedi.