جاڭالىقتار
قازاقستاندىقتار شەتەلدىك ماركەتپلەيستەن العان زاتتارى ءۇشىن 5% سالىق تولەيدى
فوتو: Pixabay.com
2023 جىلعى جەلتوقساندا ەۋرازيالىق ەكونوميكالىق وداقتىڭ (ەاەو) مەملەكەت باسشىلارى كەدەندىك كودەكس تۋرالى شارتقا وزگەرىستەر ەنگىزۋ تۋرالى حاتتاماعا قول قويدى, دەپ جازدى qandastar.kz
وزگەرىستەر ترانسشەكارالىق ەلەكتروندى ساۋدانى كەشەندى رەتتەۋگە باعىتتالعان جانە وداققا مۇشە بارلىق ەلدەردە راتيفيكاتسيالاۋ راسىمدەرى اياقتالعاننان كەيىن كۇشىنە ەنەدى.
stan.kz حابارلاعانداي, ەندى جەكە تۇلعالاردىڭ شەتەلدىك ينتەرنەت پلاتفورمالاردا ساتىپ الاتىن تاۋارلارى جەكە ساناتقا – «ەلەكتروندى كوممەرتسيا تاۋارلارىنا» بولىنەدى.
ەلەكتروندى كوممەرتسيا وپەراتورى ينستيتۋتى پايدا بولادى. تىزىلىمدە تىركەلگەن جانە جەكە تۇلعالاردىڭ اتىنان وسىنداي تاۋارلاردى دەكلاراتسيالايتىن زاڭدى تۇلعا بولادى.
جاڭا كەدەندىك دەكلاراتسيا: كەدەندىك دەكلاراتسيانىڭ جاڭا ءتۇرى ارنايى ەلەكتروندى كوممەرتسيا تاۋارلارى ءۇشىن ەنگىزىلەدى.
بىرىڭعاي باج ستاۆكاسى: ەلەكتروندى كوممەرتسيا تاۋارلارى ءۇشىن تاۋار قۇنىنىڭ 5% مولشەرىندە بىرىڭعاي كەدەندىك باج ستاۆكاسى بەلگىلەنەدى. قۇنى 200 ەۋرو مولشەرلەمەسىنەن اسپايتىن تاۋارلارعا مۇنداي باج سالىعى سالىنبايدى.
سونداي-اق تاۋارلاردى تىكەلەي جانە بوند قويماسى ارقىلى جەتكىزۋگە بولادى. تىكەلەي جەتكىزۋ كەزىندە تاۋارلاردى ەلەكتروندى كوممەرتسيا وپەراتورى تىكەلەي شەتەلدىك ساتۋشىدان ساتىپ الۋشىعا جەتكىزەدى.
بوند قويماسى بويىنشا كومپانيالار تاۋارلاردى ساتىپ العاننان كەيىن بىردەن جەتكىزۋ ءۇشىن ساتىپ الۋشى ەلىنە الدىن الا تاۋارلاردى اكەلەدى جانە ولاردى قويمادا ساقتايدى.
ءوز كەزەگىندە ەۋرازيالىق ەكونوميكالىق كوميسسيا ءوز وكىلەتتىكتەرىن جۇزەگە اسىرۋ ماقساتىندا كەدەندىك كودەكس تۋرالى شارتقا وزگەرىستەر مەن تولىقتىرۋلار ەنگىزۋمەن قاتار ءتيىستى اكتىلەردى قابىلدايدى.
ەاەو كەدەن كودەكسى تۋرالى شارتقا وزگەرىستەر مەن تولىقتىرۋلار ەنگىزۋ تۋرالى حاتتاما جانە كوميسسيا اكتىلەرى ەاەو-عا مۇشە بارلىق مەملەكەت وسى حاتتامانى راتيفيكاتسيالاۋ بويىنشا مەملەكەتىشىلىك راسىمدەردى ورىنداعاننان كەيىن كۇشىنە ەنەدى.
