Qazaqstandyqtar shetelge 789 mıllıard teńge jibergen

Foto: ashyq derekkóz

Bul týraly Ulttyq Banktiń 2024 jylǵa jasaǵan qorytyndysynan belgili boldy, dep habarlaıdy qandastar.kz

2024 jyly HAAJ (halyqaralyq aqsha aýdarymdary júıesi) arqyly júrgizilgen aqsha aýdarymdarynyń jıyntyq kólemi 1,05 trln teńge boldy. Bul 2023 jylǵy kórsetkishten 21%-ǵa tómen.

Shot ashpastan HAAJ arqyly júrgizilgen barlyq operaııanyń 97%-y Qazaqstan men basqa elderdiń arasyndaǵy transshekaralyq aýdarymdarǵa tıesili.

Shetelge jiberilgen aqsha aýdarymdarynyń kólemi – 788,9 mlrd teńge nemese HAAJ arqyly júrgizilgen transshekaralyq aýdarymdardyń jıyntyq kóleminiń 77%-y.

HAAJ arqyly júrgizilgen osy aýdarymdardy alýshy negizgi elder – О́zbekstan (29,7%), Reseı (29,4%), Túrkııa (19,8%), Grýzııa (6,8%) jáne Qyrǵyzstan (3,7%). Bul aýdarymdardyń shamamen 83%  «Zolotaıa Korona» júıesi arqyly júrgizilgen.

Shetelden alynǵan aqsha aýdarymdarynyń kólemi – 236,8 mlrd teńge nemese HAAJ arqyly júrgizilgen transshekaralyq aýdarymdardyń jıyntyq kóleminiń 23%-y. Shetelden Qazaqstanǵa jasalǵan bir aýdarymnyń ortasha somasy 300,6 myń teńge boldy.

HAAJ arqyly júrgizilgen osy aýdarymdardy jiberýshi negizgi elder – Reseı (26,1%), AQSh (13,7%), Ońtústik Koreıa (10,3%), О́zbekstan (10,0%) jáne Túrkııa (8,6%). Operaııalardyń 81%-dyq úlesi «Zolotaıa Korona» jáne «Vestern Iýnıon» tólem júıelerine tıesili.

Halyqaralyq aqsha aýdarymdary júıesi banktik shot ashpaı-aq aýdarym jasaý úshin paıdalanylatynyn atap ótemiz. Negizinen, bul aýdarymdar jeke tulǵalar arasyndaǵy óteýsiz aýdarym sıpatynda bolady, — delingen Ulttyq Bank habarlamasynda.