Qazaqstandyqtar UBT sertıfıkattaryn qoldan jasap komıssııaǵa tapsyrǵan

Foto: mınıstrlik

Elimizdiń ǵylym jáne joǵary bilim mınıstrligi qazaqstandyqtar arasynda jalǵan UBT sertıfıkattaryn jasaý áreketi oryn alǵanyn eskertti. Bul týraly Stan.kz aqparat agenttigi habarlaıdy.

Mınıstrliktiń málimetinshe, qazirgi ýaqytta grant konkýrsyna qujattar qabyldanýda jáne qabyldaý komıssııalaryna jalǵan sertıfıkattar usyný boıynsha 10-nan astam áreket tirkelgen.

“Qurmetti talapkerler men ata-analar! Búgin nazarlaryńyzdy UBT sertıfıkattaryn qoldan jasaý áreketi taqyrybyna aýdarǵymyz keledi. UBT sertıfıkatyn qoldan jasaý múmkin emes ekenin eskerý mańyzdy. Árbir sertıfıkatta onyń túpnusqalyǵyn birden tekserýge múmkindik beretin biregeı QR kody bar. Sondaı-aq, UBT sertıfıkaty resmı qujat bolyp tabylady. Ony qoldan jasaý qylmystyq kodekstiń 385-baby boıynsha qylmystyq jaýapkershilikke ákep soǵady”, – delingen habarlamada.

Derekterge súıensek jalǵan sertıfıkatta QR-kod ashylmaıdy jáne sandar ár túrli shrıftpen, ár túrli kólemde jazylǵan.

“Sertıfıkattardy qoldan jasaýǵa tyrysýdyń barlyq jaǵdaıy tıisti sharalar qabyldaý úshin quqyq qorǵaý organdaryna joldanady. Esterińizge sala keteıik, UBT sertıfıkaty app.testcenter.kz saıtynda jeke kabınette, certificate.testcenter.kz saıtynda jáne eGov elektrondyq úkimet portalynda qoljetimdi”,- delingen mınıstrlik jazbasynda.

Vedomstvo azamattardy zań buzýshylyqqa barmaýǵa shaqyryp, munyń sońy aýyr saldarǵaákep soǵatynyn eskertti.