قازاقستاندىقتار ۋنيۆەرسيتەتكە قاراعاندا بالاباقشاعا كوپ اقشا جۇمسايدى

تاۋارلار مەن قىزمەتتەر باعاسىنىڭ وسۋىمەن قاتار قازاقستاندىقتاردىڭ شىعىندارى دا ارتىپ كەلەدى. اسىرەسە ازاماتتاردىڭ ءبىلىم بەرۋگە جۇمسايتىن قارجىسىنىڭ ارتۋى بايقالادى.

2023 جىلى شىعىندار 29,1 پايىزعا: ءبىر وتباسىنا ورتا ەسەپپەن 60,9 مىڭنان 78,6 مىڭ تەڭگەگە دەيىن وسكەن. بۇل رەتتە قالالاردا بۇل سوما جوعارى – 88,8 مىڭ تەڭگە, ال اۋىلداردا تومەن – 56,8 مىڭ تەڭگە. بۇل ەلدەگى ءۇي شارۋاشىلىقتارى اراسىنداعى ورتاشا كورسەتكىش ەكەنىن ايتا كەتكەن ءجون. سەبەبى ساراپشىلار ىرىكتەۋ زەرتتەۋلەردى ەلىمىزدىڭ بارلىق ءىرى قالالارى مەن ايماقتارىندا جۇرگىزەدى. ساۋالناماعا 12 مىڭعا جۋىق وتباسى قاتىستى, الىنعان ناتيجە جالپى ءۇي شارۋاشىلىقتارىنا قولدانىلادى. باسقاشا ايتقاندا, قازاقستاندىق وتباسىلاردىڭ ءبىلىم الۋعا جۇمسايتىن ناقتى سوماسى بالا سانىنا, ولاردىڭ جاسىنا, وقۋ مارتەبەسىنە جانە باسقا دا فاكتورلارعا بايلانىستى وزگەرىپ وتىرادى. دەگەنمەن ازاماتتاردىڭ شىعىندارى ايتارلىقتاي وسكەن.

ءبىر قىزىعى, ۋنيۆەرسيتەتتەگى وقۋ شىعىندارىنىڭ ۇلەسى نەبارى 16,2 پايىزدى نەمەسە جىلىنا 12,7 مىڭ تەڭگەنى قۇرايدى. دەگەنمەن ورتاشا كورسەتكىشتەردى ەستە ۇستاعان ءجون. شىندىعىندا, بۇل قازاقستاندىقتار بالاباقشاعا جىلىنا 24,5 مىڭ تەڭگە تولەيدى دەگەندى بىلدىرمەيدى. ستاتيستيكا ءارتۇرلى وتباسىلاردى, سونىڭ ىشىندە بالالارى جوق وتباسىلاردى دا ەسكەرەدى – ولاردىڭ بالاباقشا شىعىندارى نولگە تەڭ, بىراق ولار ورتاشا ءماندى ەسەپتەۋ كەزىندە دە ەسكەرىلەدى. ەگەر مەكتەپكە دەيىنگى ءبىلىم بەرۋ قىزمەتتەرىنىڭ ناقتى باعاسى تۋرالى ايتار بولساق, جەكەمەنشىك مەكتەپكە دەيىنگى مەكەمەلەردى سۋبسيديالاۋدى ەسكەرگەن كۇننىڭ وزىندە كەيدە وقۋ باعاسى ايىنا 300 مىڭ تەڭگەدەن اسۋى مۇمكىن.