Qazaqstandyqtar jalaqysynyń jartysynan astamyn azyq-túlikke jumsaıdy

Foto: ashyq derekkóz

2024 jyldyń birinshi toqsanynda árbir qazaqstandyq azyq-túlik pen alkogolsiz sýsyndarǵa 131,3 myń teńge jumsaǵan. Bul bir jyl burynǵymen salystyrǵanda 6,7%-ǵa artyq. Bul týraly Stan.kz aqparat agenttigi finprom basylymyna silteme jasap habarlaıdy.

О́tken jyldyń birinshi toqsanynda azyq-túlik pen sýsynǵa jumsalǵan qarajat jan basyna shaqqanda orta eseppen 123,1 myń teńge bolyp, jyldyq ósim 21,1%-ǵa jetken. Osydan bes jyl buryn, ıaǵnı 2019 jyldyń birinshi toqsanynda qazaqstandyqtar azyq-túlik pen sýsyndarǵa jan basyna shaqqandaǵy ortasha eseppen nebári 72,3 myń teńge jumsaǵan. Bul kórsetkish 2024 jylmen salystyrǵanda 44,9%-ǵa az.

2024 jyldyń birinshi toqsanynyń qorytyndysy boıynsha, taýarlar men qyzmetterdiń baǵasy jylyna 9,3%-ǵa, azyq-túlik taýarlary – 7,5%-ǵa, al tikeleı azyq-túlik jáne alkogolsiz sýsyndar – 7,2%-ǵa ósti.

Aımaqtyq jaǵdaıǵa keletin bolsaq, azyq-túlik pen sýsynǵa kóp shyǵyn jumsaıtyn Almaty turǵyndary. Osy jyldyń birinshi toqsanynda jan basyna shaqqanda 181,5 myń teńge, bir jyl burynǵydan 7,7%-ǵa artyq. El boıynsha ortasha kórsetkishpen salystyrǵanda almatylyqtar 38,2%-ǵa kóp jumsady.

Ekinshi jáne úshinshi oryndardy Shyǵys Qazaqstan (152,1 myń teńge, ótken jylmen salystyrǵanda 4,1%-ǵa ósken) jáne Mańǵystaý (146,7 myń teńge, ótken jylmen salystyrǵanda 6,7%-ǵa ósken) oblystary ıelendi.

Azyq-túlik pen sýsynǵa az aqsha jumsaıtyn óńirler: Qyzylorda (jan basyna shaqqanda 104,6 myń teńge), Aqtóbe (106,4 myń teńge) jáne Túrkistan oblystary (110,4 myń teńge).

Elimizdegi 20 oblystyń ishinde eki oblysta – Aqtóbe jáne Almaty oblystarynda ǵana shyǵys tómendegen: jan basyna shaqqanda 5,1%-ǵa 106,4 myń teńgege, tıisinshe 4,3%-ǵa, 124,3 myń teńgege deıin.

Sala boıynsha shyǵystardyń eń kóp jyldyq ósimi Jetisý oblysynda (19,8%-ǵa, jan basyna shaqqanda 141,3 myń teńgege deıin), eń azy – Aqmola oblysynda (1,2%-ǵa, 112,4 myń teńgege deıin) tirkeldi.

Qazaqstandyqtardyń azyq-túlik pen alkogolsiz sýsyndarǵa jumsaǵan barlyq shyǵyndarynyń úshten biri et ónimderine tıesili: jan basyna shaqqanda 43,3 myń teńge, bir jyl burynǵydan 6,4%-ǵa artyq.

Sondaı-aq el turǵyndarynyń sektordaǵy shyǵystarynyń eleýli baptaryn nan jáne jarma ónimderi (bir adamǵa 20,5 myń teńge, plıýs bir jylǵa 8,6%) jáne sút ónimderi (14,5 myń teńge, plıýs 7,7%) qurady.

Eń qymbat azyq-túlik sanattarynyń bestigine jemister (jan basyna toqsanyna 11,6 myń teńge) jáne kókónister (8,9 myń teńge) kirdi.

Qazaqstandyqtar bir toqsanda qant, kondıterlik ónimder men táttilerge 6,7 myń teńge, balyq pen teńiz ónimderine 5,9 myń teńge, alkogolsiz sýsyndarǵa 5,8 myń teńge, jumyrtqaǵa 3,3 myń teńge jumsaǵan.