قازاقستاندىقتار جىلۋعا 700 ميلليون ارتىق تولەگەن

فوتو: اشىق دەرەككوز

مونوپوليستەر قازاقستاندىقتارعا 768 ميلليون تەڭگە كولەمىندە جىلۋ ءۇشىن تولەنگەن ارتىق اقشانى قايتارادى, دەپ جازدى qandastar.kz

Finprom.kz مالىمەتىنشە, قايتارىلعان سوما بيىلعى جىلىتۋ ماۋسىمىندا تۇتىنۋشىلاردىڭ جەكە ەسەپشوتتارىنا اۋدارىلادى.

«2023/2024 جىلعى جىلىتۋ كەزەڭىندە جىلۋمەن قامتۋ قىزمەتىن كورسەتەتىن تابيعي مونوپوليا سۋبەكتىلەرى جىلۋ ەسەپتەۋ قۇرالدارى جوق تۇتىنۋشىلار ءۇشىن 768,2 ميلليون تەڭگە كولەمىندە قايتا ەسەپتەۋ جۇرگىزدى», – دەپ جازىلعان حابارلامادا.

ايماقتار بويىنشا قايتارىلاتىن سوما:

• شىعىس قازاقستان وبلىسى – 354,5 ميلليون تەڭگە (ەڭ جوعارى كورسەتكىش);
• الماتى – 95,4 ميلليون تەڭگە;
• ماڭعىستاۋ وبلىسى – 60,9 ميلليون تەڭگە;
• قىزىلوردا وبلىسى – 38,6 ميلليون تەڭگە;
• اقتوبە وبلىسى – 37,7 ميلليون تەڭگە;
• اقمولا وبلىسى – 33,5 ميلليون تەڭگە;
• قوستاناي وبلىسى – 32 ميلليون تەڭگە.

قاراعاندى جانە ۇلىتاۋ وبلىستارىندا جىلۋ ەنەرگياسىمەن قامتۋ قۇنى ناقتى تەمپەراتۋراعا بايلانىستى ەسەپتەلەتىندىكتەن, تۇتىنۋشىلارعا باسقا ءتاسىل قولدانىلاتىنى حابارلاندى.