Qazaqstandyqtar jylýǵa 700 mıllıon artyq tólegen

Foto: ashyq derekkóz

Monopolıster qazaqstandyqtarǵa 768 mıllıon teńge kóleminde jylý úshin tólengen artyq aqshany qaıtarady, dep jazdy qandastar.kz

Finprom.kz málimetinshe, qaıtarylǵan soma bıylǵy jylytý maýsymynda tutynýshylardyń jeke esepshottaryna aýdarylady.

«2023/2024 jylǵy jylytý kezeńinde jylýmen qamtý qyzmetin kórsetetin tabıǵı monopolııa sýbektileri jylý esepteý quraldary joq tutynýshylar úshin 768,2 mıllıon teńge kóleminde qaıta esepteý júrgizdi», – dep jazylǵan habarlamada.

Aımaqtar boıynsha qaıtarylatyn soma:

• Shyǵys Qazaqstan oblysy – 354,5 mıllıon teńge (eń joǵary kórsetkish);
• Almaty – 95,4 mıllıon teńge;
• Mańǵystaý oblysy – 60,9 mıllıon teńge;
• Qyzylorda oblysy – 38,6 mıllıon teńge;
• Aqtóbe oblysy – 37,7 mıllıon teńge;
• Aqmola oblysy – 33,5 mıllıon teńge;
• Qostanaı oblysy – 32 mıllıon teńge.

Qaraǵandy jáne Ulytaý oblystarynda jylý energııasymen qamtý quny naqty temperatýraǵa baılanysty esepteletindikten, tutynýshylarǵa basqa tásil qoldanylatyny habarlandy.