Qazaqstandyqtardan merzimi ótip ketken aıyppuldarǵa 25 paıyzdyq tólem alynbaıtyn boldy

Ortalyq kommýnıkaııalar qyzmetinde ótken brıfıngte ádilet vıe-mınıstri jeke sot oryndaýshylary jumysyn robottandyratyn joba qurylatynyn aıtty,-dep habarlaıdy Qandastar.kz

Ádilet vıe-mınıstri Bekbolat Moldabekov robot-jeke sot oryndaýshysy jobasy týraly aıtty. «Buryn mysaly sizge «Sergek» kamerasy boıynsha aıyppul salynsa jáne ony 50 kún ishinde tólep úlgermeseńiz, sizdiń aıyppulyńyz jeke sot oryndaýshysyna ótip ketetin.

Jeke sot oryndaýshysy qyzmetkeri tyıym salyp, sodan soń aıyppul somasynyń 25 paıyzyna deıin sizden qarjy óndirip alatyn. Endi, eger aıyppul 50 kúnnen asyp ketse, biz oǵan Egov arqyly qosymsha SMS jáne push-habarlama jiberemiz. Qandaı da bir banktiń mobıldi qosymshasyn paıdalanatyn bolsa, soǵan da jiberemiz. Azamattardan artyq aqsha óndirilmeýi úshin qoldan kelgenniń bári jasalyp jatyr. Endi robot munyń barlyǵyn tegin jasaıdy, ıaǵnı buǵan deıingi 25 paıyz bolmaıdy», – dedi Ádilet mınıstrliginiń ókili.

Ol mundaı robot esebinen jyl saıyn 2,2 mıllıard teńge únemdeletinin aıtty – bul buǵan deıin qazaqstandyqtardan keshiktirilgen aıyppuldar úshin óndirip alynǵan soma.