Jańalyqtar
Qazaqstandyqtardyń 68,1 paıyzy memleket durys baǵytta kele jatyr dep esepteıdi
Qazaqstan Respýblıkasynyń Prezıdenti janyndaǵy Qazaqstannyń strategııalyq zertteýler ınstıtýty aǵymdaǵy jyldyń 11 mamyry men 22 maýsymy aralyǵynda. áleýmettanýlyq saýalnama júrgizdi,-dep habarlaıdy Qandastar.kz
Irikteme kólemi 8000 respondentti quraıdy. Saýalnamaǵa 17 oblys pen respýblıkalyq mańyzy bar qalalar: Astana, Almaty jáne Shymkenttiń 18 jastan asqan respondentteri qatysty.
Zertteýge sáıkes, qazaqstandyqtardyń áleýmettik-ekonomıkalyq jaǵdaıy jaqsarýǵa beıim, mysaly «Sizdiń otbasyńyzdyń materıaldyq jaǵdaıy sońǵy bir jylda qalaı ózgerdi?» degen suraqqa respondentterdiń úshten bir bóligi (31,1%) óziniń jáne óz otbasynyń qarjylyq jaǵdaıy birshama jaqsardy dese, al úshten biri (31,6%) ózgergen joq, sol kúıinde qaldy dep jaýap bergen. Respondentterdiń 27,1%-y óz ál-aýqatynyń aıqyn ósýin atap ótti. Al respondentterdiń 8,6%-y qarjylyq jaǵdaıyn belgili bir dárejede nasharlady dep esepteıdi.
«SIZDIŃ OIYŃYZShA, SOŃǴY JYLDA SIZDIŃ OTBASYŃYZDYŃ MATERIALDYQ JAǴDAIY QALAI О́ZGERDI?»
Eń tómengi jalaqynyń 60 myń teńgeden 70 myń teńgege deıin ulǵaıýy, dárigerlerdiń ortasha jalaqysynyń 30%-ǵa jáne orta býyn medıına qyzmetkerleriniń jalaqysynyń 20%-ǵa ósýi, zeınetaqy men járdemaqylardyń barlyq kóleminiń 4,4 mıllıonǵa ulǵaıýy, joǵarǵy oqý oryndary stýdentteriniń, magıstranttary men doktoranttarynyń shákirtaqysyn kóterý, shaǵyn nesıeleý tásilderin ózgertý, kásipkerlikti retteýdegi jańa tásilder jáne memleket qabyldaǵan basqa da sharalar qazaqstandyqtardyń materıaldyq jaǵdaıyn jaqsartyp keledi.
2023 jáne 2024 jyldary densaýlyq saqtaý men bilim berýdi damytýǵa, turǵyn úı qurylysy men jol jóndeýge memlekettik shyǵystardyń ulǵaıýy azamattardyń búgingi ómirine qanaǵattanýynyń negizi boldy. Bul qazaqstandyqtar arasyndaǵy áleýmettik optımızmniń aıtarlyqtaı joǵary deńgeıin túsindiredi. Osylaısha, qoǵamdyq pikirge sáıkes, azamattardyń 68,3 paıyzy jarqyn bolashaqqa úmitpen qaraıdy. Bul kórsetkishke aıtarlyqtaı jaqsarýdy kútetin respondentterdiń 37,6%-y jáne ómir súrý jaǵdaılarynyń sál jaqsarýyn kútetin 30,7%-y kiredi. Bul jaǵdaıda qazaqstandyqtardyń mentalıtetine silteme jasaý ádetke aınalǵan, biraq áleýmettik optımızmniń áleýmettanýlyq túsindirmesi eń aldymen el azamattarynyń sapaly bilimge, densaýlyq saqtaýǵa, baılanys pen turǵyn úıge qoljetimdiliginde jatyr.
«QALAI OILAISYZ, BIR JYLDAN KEIIN SIZ (SIZDIŃ OTBASYŃYZ) QAZIRGIGE QARAǴANDA JAQSYRAQ О́MIR SÚRESIZ BE, ÁLDE NAShARLAÝ MA?»
Eldi jan-jaqty jańǵyrtýdyń joǵary qarqyny aıtarlyqtaı qoǵamdyq qoldaýǵa ıe – qoǵamdyq pikir saýalnamasynyń qorytyndysy boıynsha qazaqstandyqtardyń 68,1%-y el durys baǵytta damyp kele jatyr dep esepteıdi.
Jalpy, qoǵamdyq pikirdi zertteý nátıjeleri halyqtyń qarjylyq jaǵdaıyndaǵy oń ózgeristerdi jáne el azamattarynyń joǵary áleýmettik optımızmin kórsetedi.
