Qazaqstandyqtardyń avtonesıe men ıpoteka alýy azaıdy

Mamyr aıynda qazaqstandyqtar bir aı burynǵydan ıpotekalyq nesıeni 16 paıyzǵa az rásimdedi. Avtonesıege suranys ta 10 paıyzǵa tómendedi. Mundaı qubylys nesıeleýdiń basqa salalarynda da baıqalady,-dep habarlaıdy Qandastar.kz

Qazaqstanda jeke tulǵalardy nesıeleý naryǵy salqyndaýda, Data Hub Telegram-arnasynyń sarapshylary atap ótkendeı, aǵymdaǵy jyldyń mamyr aıynda qaryzdarǵa suranystyń tómendeýi baıqalady.

Osylaısha, bir aıda Qazaqstanda 8,5 myń ıpoteka berildi – bul aldyńǵy aımen salystyrǵanda birden 16 paıyzǵa az. Nesıelerdiń jalpy somasy 129,4 mlrd teńge boldy, bul 14 paıyzǵa az. Barlyǵy 1 maýsymdaǵy jaǵdaı boıynsha 558 myń qazaqstandyq ıpoteka aldy – olardyń jalpy qaryzy shamamen 6 trln teńge boldy.

Avtokólik nesıeleri salasynda da osyndaı jaǵdaı baıqalady. Mamyr aıynda nesıe berý somasy 7 paıyzǵa, al qaryzdar sany 10 paıyzǵa qysqardy. Sanmen kórsetsek, bul 111,8 mlrd teńge jáne 14,5 myń nesıe. Bul – 2023 jyldyń naýryzy men aqpanynan bastap mınımým kórsetkish. Aıta ketý kerek, avtokólik nesıelerine suranys ekinshi aı qatarynan tómendep keledi.

Tutynýshylyq kepilsiz nesıelerge keletin bolsaq, munda ártúrli dınamıka baıqalady. Nesıeler sany 4 paıyzǵa azaıyp, 2,9 mln-ǵa jetti. Al emıssııa kólemi 4 paıyzǵa ósip, 855,5 mlrd teńgege jetti. Orta eseppen árbir qaryz alýshy 290,9 myń teńgege nesıe rásimdese, berilgen nesıeniń maksımaldy somasy 98 mıllıon teńgege jetti.

45 kúnge deıingi merzimge jáne 50 AEK-ten aspaıtyn somaǵa beriletin «jalaqyǵa deıingi nesıeler» (PDL) mamyrda nebári 49,8 mlrd teńge boldy. Sarapshylardyń pikirinshe, bul – 2023 jyldyń qańtarynan bergi eń nashar kórsetkish.

Jalpy, qarapaıym qazaqstandyqtardyń 2024 jylǵy 1 maýsymdaǵy jaǵdaı boıynsha bankterge qaryzy shamamen 21 trln teńge boldy – bul bir aı burynǵy kórsetkishten 1,3 paıyzǵa artyq. Mamyr aıynda berilgen nesıeniń jalpy somasy 1,2 trln teńgege jetti.