قازاقستاندىقتاردىڭ مەرزىمى وتكەن نەسيەسى 988 ملرد تەڭگەگە جەتتى

فوتو: Ulysmedia.kz

1 شىلدەدەگى جاعداي بويىنشا قازاقستاندا حالىققا بەرىلگەن نەسيەلەر 18,3 ترلن تەڭگەنى قۇراپ, ماۋسىم ايىندا 2%-عا ءوستى (جىل باسىنان بەرى – 9,9%-عا ءوستى), دەپ حابارلايدى Ulysmedia.kzقارجى نارىعىن رەتتەۋ جانە دامىتۋ اگەنتتىگىنە سىلتەمە جاساپ.

حالىققا جانە ەكونوميكاعا بەرىلگەن نەسيە

حالىققا بەرىلگەن نەسيەلەردىڭ ءوسۋى تۇتىنۋشىلىق قارىزداردىڭ 2,8%-عا – 11,6 ترلن تەڭگەگە دەيىن, سونداي-اق يپوتەكالىق نەسيەلەندىرۋدىڭ 0,7%-عا – 5,5 ترلن تەڭگەگە دەيىن وسۋىمەن بايلانىستى ەكەنى حابارلانادى.

ەكونوميكاعا بەرىلگەن نەسيەلەر ءبىر ايدا 2%-عا – 30,1 ترلن تەڭگەگە دەيىن ءوستى (جىل باسىنان بەرى 7,7%-عا ءوستى), ونىڭ ىشىندە ۇلتتىق ۆاليۋتادا – 1,5%-عا, 27,6 ترلن تەڭگەگە دەيىن, شەتەل ۆاليۋتاسىندا – 7,4%-عا 2,5 ترلن تەڭگەگە دەيىن. ناتيجەسىندە تەڭگەمەن بەرىلگەن نەسيەلەردىڭ ۇلەسى 91,6% قۇرادى.

بيزنەسكە بەرىلگەن نەسيەلەر

ماۋسىم ايىندا بيزنەس سۋبەكتىلەرىنە بەرىلگەن نەسيەلەر 2%-عا – 11,8 ترلن تەڭگەگە دەيىن ءوستى (جىل باسىنان بەرى 4,5%-عا ءوستى). ولاردىڭ قۇرىلىمىندا زاڭدى تۇلعالارعا بەرىلگەن نەسيەلەر 1,6%-عا – 9,8 ترلن تەڭگەگە دەيىن ءوستى (جىل باسىنان بەرى 1,5%-عا ءوستى).

شوب سۋبەكتىلەرىنە بەرىلگەن قارىزدار 5,8%-عا – 5,9 ترلن تەڭگەگە دەيىن ءوستى, ءىرى بيزنەسكە بەرىلگەن قارىزدار 4%-عا – 3,9 ترلن تەڭگەگە دەيىن تومەندەدى. بۇل نەگىزىنەن بانكتەردىڭ ءبىرىنىڭ وسى ساناتتاعى قارىزداردى شوب قارىزدارى ساناتىنا قايتا جىكتەۋىمەن بايلانىستى.

جەكە كاسىپكەرلەرگە بەرىلگەن نەسيەلەر ءبىر ايدا 3,8%-عا – 1,9 ترلن تەڭگەگە دەيىن ءوستى (جىل باسىنان بەرى 23,1%-عا ءوستى).

ماۋسىم ايىندا بيزنەس سۋبەكتىلەرىنە 1,4 ترلن تەڭگە سوماسىندا جاڭا قارىزدار بەرىلدى. بۇل 2023 جىلعى ماۋسىم ايىمەن سالىستىرعاندا 11,1%-عا كوپ (2024 جىلدىڭ التى ايىندا 8,2 ترلن تەڭگە سوماسىندا بەرىلدى, بۇل 2023 جىلدىڭ وسىنداي كەزەڭىمەن سالىستىرعاندا 19,8%-عا كوپ).

وتكەن ايدا بيزنەس سۋبەكتىلەرىنە ۇلتتىق ۆاليۋتادا بەرىلگەن نەسيەلەر بويىنشا ورتاشا ولشەنگەن سىياقى مولشەرلەمەسى 19,6% (مامىردا – 19,8%), حالىققا – ءبولىپ تولەۋگە بەرىلگەن قارىزدار ۇلەسىنىڭ ارتۋى ناتيجەسىندە 17,5% قۇرادى (مامىردا – 19,3%).

مەرزىمى وتكەن قارىزدار

1 شىلدەدەگى جاعداي بويىنشا بانك سەكتورى بويىنشا 90 كۇننەن اساتىن مەرزىمى وتكەن بەرەشەگى بار قارىزداردىڭ (NPL90+) دەڭگەيى نەسيە پورتفەلىنىڭ 3,1%-ىن نەمەسە 988 ملرد تەڭگەنى قۇرادى (1 قاڭتاردا – 2,9% نەمەسە 864 ملرد تەڭگە).

بيزنەسكە بەرىلگەن قارىزدار بويىنشا NPL90+ دەڭگەيى 2,2% نەمەسە 287 ملرد تەڭگەنى, حالىققا – 3,8% نەمەسە 700 ملرد تەڭگەنى قۇرادى. جۇمىس ىستەمەيتىن قارىزداردىڭ پروۆيزيالارمەن قامتىلۋى جوعارى دەڭگەيدە ساقتالىپ, 70,9% قۇرايدى (جىل باسىندا – 75,9%).