Qazaqstandyqtardyń merzimi ótken nesıesi 988 mlrd teńgege jetti

Foto: Ulysmedia.kz

1 shildedegi jaǵdaı boıynsha Qazaqstanda halyqqa berilgen nesıeler 18,3 trln teńgeni qurap, maýsym aıynda 2%-ǵa ósti (jyl basynan beri – 9,9%-ǵa ósti), dep habarlaıdy Ulysmedia.kzQarjy naryǵyn retteý jáne damytý agenttigine silteme jasap.

HALYQQA JÁNE EKONOMIKAǴA BERILGEN NESIE

Halyqqa berilgen nesıelerdiń ósýi tutynýshylyq qaryzdardyń 2,8%-ǵa – 11,6 trln teńgege deıin, sondaı-aq ıpotekalyq nesıelendirýdiń 0,7%-ǵa – 5,5 trln teńgege deıin ósýimen baılanysty ekeni habarlanady.

Ekonomıkaǵa berilgen nesıeler bir aıda 2%-ǵa – 30,1 trln teńgege deıin ósti (jyl basynan beri 7,7%-ǵa ósti), onyń ishinde ulttyq valıýtada – 1,5%-ǵa, 27,6 trln teńgege deıin, shetel valıýtasynda – 7,4%-ǵa 2,5 trln teńgege deıin. Nátıjesinde teńgemen berilgen nesıelerdiń úlesi 91,6% qurady.

BIZNESKE BERILGEN NESIELER

Maýsym aıynda bıznes sýbektilerine berilgen nesıeler 2%-ǵa – 11,8 trln teńgege deıin ósti (jyl basynan beri 4,5%-ǵa ósti). Olardyń qurylymynda zańdy tulǵalarǵa berilgen nesıeler 1,6%-ǵa – 9,8 trln teńgege deıin ósti (jyl basynan beri 1,5%-ǵa ósti).

ShOB sýbektilerine berilgen qaryzdar 5,8%-ǵa – 5,9 trln teńgege deıin ósti, iri bızneske berilgen qaryzdar 4%-ǵa – 3,9 trln teńgege deıin tómendedi. Bul negizinen bankterdiń biriniń osy sanattaǵy qaryzdardy ShOB qaryzdary sanatyna qaıta jikteýimen baılanysty.

Jeke kásipkerlerge berilgen nesıeler bir aıda 3,8%-ǵa – 1,9 trln teńgege deıin ósti (jyl basynan beri 23,1%-ǵa ósti).

Maýsym aıynda bıznes sýbektilerine 1,4 trln teńge somasynda jańa qaryzdar berildi. Bul 2023 jylǵy maýsym aıymen salystyrǵanda 11,1%-ǵa kóp (2024 jyldyń alty aıynda 8,2 trln teńge somasynda berildi, bul 2023 jyldyń osyndaı kezeńimen salystyrǵanda 19,8%-ǵa kóp).

О́tken aıda bıznes sýbektilerine ulttyq valıýtada berilgen nesıeler boıynsha ortasha ólshengen syıaqy mólsherlemesi 19,6% (mamyrda – 19,8%), halyqqa – bólip tóleýge berilgen qaryzdar úlesiniń artýy nátıjesinde 17,5% qurady (mamyrda – 19,3%).

MERZIMI О́TKEN QARYZDAR

1 shildedegi jaǵdaı boıynsha bank sektory boıynsha 90 kúnnen asatyn merzimi ótken bereshegi bar qaryzdardyń (NPL90+) deńgeıi nesıe portfeliniń 3,1%-yn nemese 988 mlrd teńgeni qurady (1 qańtarda – 2,9% nemese 864 mlrd teńge).

Bızneske berilgen qaryzdar boıynsha NPL90+ deńgeıi 2,2% nemese 287 mlrd teńgeni, halyqqa – 3,8% nemese 700 mlrd teńgeni qurady. Jumys istemeıtin qaryzdardyń provızııalarmen qamtylýy joǵary deńgeıde saqtalyp, 70,9% quraıdy (jyl basynda – 75,9%).