Qazaqstandyqtardyń nesıesi 18 trln teńgege jetti

Onyń ishinde 716 mlrd teńge nesıeni tóleı almaı júr, dep habarlaıdy qandastar.kz Qarjy monıtorıngi agenttigine silteme jasap.

Bıylǵy 1 maýsymdaǵy aqparatqa súıensek, elimizde ekinshi deńgeıli 21 bank jumys isteıdi. Onyń 11-i sheteldiń qatysýymen, al 8-i enshiles bank.

Bank sektorynyń aktıvteri negizinen ótimdi aktıvterdiń 3%-ǵa nemese 598 mlrd teńgege ósýi esebinen mamyrda 1,6%-ǵa nemese 853 mlrd teńgege ulǵaıyp (2024 jyldyń basynan beri 3,5%-ǵa nemese 1,8 trln teńgege ósý), 53,3 trln teńgeni quraǵan.

– Ekinshi deńgeıdegi bankterdiń ótimdiligi joǵary aktıvteri 15,8 trln teńgeni nemese aktıvterdiń 29,6%-yn qurady, bul bankterge mindettemelerine tolyq kólemde qyzmet kórsetýge múmkindik beredi. 2024 jyldyń mamyrynda ekinshi deńgeıdegi bankter ekonomıkaǵa bergen kredıtter 1,4%-ǵa 29,5 trln teńgege deıin (2024 jyldyń basynan beri 5,6%-ǵa ósý), onyń ishinde ulttyq valıýtada 1,4%-ǵa 27,2 trln teńgege deıin, shetel valıýtasynda 1,8%-ǵa 2,4 trln teńgege deıin ulǵaıdy. Nátıjesinde teńgedegi kredıtterdiń úles salmaǵy 2024 jylǵy 1 maýsymdaǵy jaǵdaı boıynsha 92,0%-dy qurady,– delingen HABARLAMADA.