قازاقستاندىقتاردىڭ نەسيەسى 20 تريلليوننان استى

فوتو: اشىق دەرەككوز

بيىل قازاقستاندىقتاردىڭ نەسيەسى تاعى كوبەيىپ, 20,3 تريلليون تەڭگەگە جەتتى, دەپ حابارلايدى qandastar.kz

«حالىققا بەرىلگەن نەسيەلەر قاراشا ايىندا 2,6 پايىزعا ۇلعايىپ, 20,3 تريلليون تەڭگەنى قۇراپ وتىر. جىل باسىنان بەرى ازاماتتار العان كرەديت 21,8 پايىزعا ارتقان. سونىڭ ىشىندە تۇتىنۋشىلىق قارىز 3 پايىزعا كوبەيىپ, 13,5 ترلن تەڭگەگە جەتتى», – دەپ مالىمدەدى قارجى نارىعىن رەتتەۋ جانە دامىتۋ اگەنتتىگى.

قاراشا ايىنىڭ قورىتىندىسى بويىنشا بانكتەردىڭ يپوتەكالىق پورتفەلى 6 ترلن تەڭگەگە دەيىن وسكەن. وسى جىلدىڭ 11 ايىندا 1,8 ترلن تەڭگەگە جاڭا يپوتەكالىق قارىزدار بەرىلگەن. بۇل بىلتىرعى سايكەس كەزەڭمەن سالىستىرعاندا 23,3 پايىزعا ارتىق.

2024 جىلعى قاراشا ايىندا حالىققا تەڭگەمەن بەرىلگەن كرەديتتەر بويىنشا ورتاشا سارالانعان سىياقى مولشەرلەمەسى 16,9%-عا دەيىن تومەندەگەن.