Qazaqstandyqtardyń nesıesi 20 trıllıonnan asty

Foto: ashyq derekkóz

Bıyl qazaqstandyqtardyń nesıesi taǵy kóbeıip, 20,3 trıllıon teńgege jetti, dep habarlaıdy qandastar.kz

«Halyqqa berilgen nesıeler qarasha aıynda 2,6 paıyzǵa ulǵaıyp, 20,3 trıllıon teńgeni qurap otyr. Jyl basynan beri azamattar alǵan kredıt 21,8 paıyzǵa artqan. Sonyń ishinde tutynýshylyq qaryz 3 paıyzǵa kóbeıip, 13,5 trln teńgege jetti», – dep málimdedi Qarjy naryǵyn retteý jáne damytý agenttigi.

Qarasha aıynyń qorytyndysy boıynsha bankterdiń ıpotekalyq portfeli 6 trln teńgege deıin ósken. Osy jyldyń 11 aıynda 1,8 trln teńgege jańa ıpotekalyq qaryzdar berilgen. Bul byltyrǵy sáıkes kezeńmen salystyrǵanda 23,3 paıyzǵa artyq.

2024 jylǵy qarasha aıynda halyqqa teńgemen berilgen kredıtter boıynsha ortasha saralanǵan syıaqy mólsherlemesi 16,9%-ǵa deıin tómendegen.