Qazaqstandyqtardyń tegine jalǵaýǵa bolmaıtyn jalǵaýlar ataldy

Foto: stan.kz

Ádilet mınıstrliginiń resmı ókili Talǵat Ýálı brıfıng barysynda qazaqstandyqtardyń aty, tegi jáne ákesiniń atyna jalǵanatyn jalaýlarǵa qatysty suraqqa jaýap berdi. Bul týraly qandastar.kz Stan.kz aqparat agenttigine silteme jasap habarlaıdy.

Resmı ókildiń aıtýynsha, qazaqstandyqatardan jeke kýáliktegi aty, tegi jáne ákesiniń atyna baılanysty suraqtar jıi túsedi. Talǵat Ýálı otandastardan túsken tolassyz saýaldarǵa núkte qoıdy.

“Bul norma «Neke jáne otbasy týraly» kodeksimen retteledi. Ádilet mınıstrligi tolyq aty-jóniniń emlesine engizilgen ózgertýler sanynyń statıstıkasyn júrgizbeıdi. Sondaı-aq kodekske sáıkes, «tegi», «urpaǵy», «nemeresi», «shóberesi», «kelini» sekildi jalǵaýlardyń jalǵanýyna ruqsat joq”, – dedi Talǵat Ýálı.

Aıta keteıik, neke (erli-zaıyptylyq) jáne otbasy týraly» kodeksine sáıkes, neke (erli-zaıyptylyq) qııý kezinde erli-zaıypty óz ótinishteri boıynsha ortaq tegi retinde bireýiniń tegin tańdaıdy nemese erli-zaıyptynyń árqaısysynyń nekege deıingi tegi saqtalady. Sondaı-aq bireýi (ekeýi de) óz tegine jubaıynyń tegin qosa alady. Erli-zaıyptylardyń kem degende bireýiniń nekege deıingi tegi qosarlanǵan bolsa, famılııalardy biriktirýge ruqsat joq.

Neke qııýdy (erli-zaıypty bolýdy) memlekettik tirkeý kezinde tegi ózgergen jaǵdaıda azamat bir aı merzimde jeke basyn kýálandyratyn qujattardy aýystyrýy qajet.