قازاقستاندىقتاردىڭ زەينەتاقى جيناعىنا سالىناتىن جەكە تابىس سالىعى كىمدەرگە قايتارىلمايدى – مينيسترلىك ءتۇسىندىردى

فوتو:Ru.freepik.com

ماجىلىستە قازاقستاندىقتار جەتكىلىكتى شەكتەن اساتىن زەينەتاقى جيناقتارىن پايدالانۋ كەزىندە جەكە تابىس سالىعىن تولەۋ ماسەلەسى كوتەرىلدى, دەپ جازدى qandastar.kz

بۇل تۋرالى Stan.kz اقپارات اگەنتتىگى حابارلايدى.

قولدانىستاعى زاڭناماعا سايكەس, قازاقستاندىقتار پايدالانۋ ءۇشىن العان زەينەتاقى جيناعى جەكە تابىس سالىعىنا جاتادى. جاڭا سالىق كودەكسىنىڭ جوباسىندا بۇل سالىقتى الىپ تاستاۋ قاراستىرىلعان.

“سالىق كودەكسى مەن وعان ىلەسپە قۇجاتتار اياسىندا زەينەتاقى جيناقتارىنان, ونىڭ ىشىندە بىرجولعى زەينەتاقى تولەمدەرىنەن دە جەكە تابىس سالىعىن الىپ تاستاۋ قاراستىرىلىپ وتىر. الايدا كوپ ازامات بۇعان دەيىن زەينەتاقى جيناقتارىنىڭ ءبىر بولىگىن العان كەزدە جەكە تابىس سالىعىن تولەگەن. ەندى بىر بولىگى بۇل تولەمدەردى زەينەتكە شىققاننان كەيىنگى ۋاقىتقا قالدىرعان. وسىعان بايلانىستى “بۇرىن تولەنگەن جەكە تابىس سالىعىن قايتارۋ جوسپارلانىپ وتىر ما?” دەگەن سۇراق تۋىندايدى”, – دەيدى دەپۋتات نۇرگۇل تاۋ.

بۇل سۇراققا ۇلتتىق ەكونوميكانىڭ ءبىرىنشى ۆيتسە-ءمينيسترى ازامات امرين جاۋاپ بەردى.

“كەيىنگە قالدىرعاندار جەكە تابىس سالىعىن تولەۋدەن بوساتىلادى. ال تولەپ قويعانداردىڭ اقشاسى قايتارىلمايدى”, – دەدى ۆيتسە-مينيستر.

بۇعان دەيىن ۇلتتىق ەكونوميكا مينيسترلىگى زەينەتاقى تولەمدەرى جەكە تابىس سالىعىنان قاشان بوساتىلاتىنىن جانە جاڭا سالىق كودەكسى قاشان قابىلداناتىنىن ايتقان ەدى.