جاڭالىقتار
«قازاقستاندىقتارعا 70 مىڭ تەڭگەدەن بەرىلەدى»: مينيسترلىك اقپاراتقا قاتىستى مالىمدەمە جاسادى
جەلىدە تاراعان «1949 جانە 2010 جىلدار ارالىعىندا ومىرگە كەلگەن قازاقستاندىقتارعا مەملەكەت 70 مىڭ تەڭگە تولەيتىنى» تۋرالى اقپاراتقا قاتىستى ەڭبەك جانە الەۋمەتتىك قورعاۋ مينيسترلىگى وكىلدەرى پىكىر ءبىلدىردى. ۆەدومستۆو بۇل قاۋەسەتتى جوققا شىعاردى, دەپ حابارلايدى Qandastar.kz
«1949-2010 جىلدار ارالىعىندا تۋعان قازاقستان ازاماتتارىنا 70 000 تەڭگە اۋدارىلاتىنى تۋرالى الەۋمەتتىك جەلىلەر مەن مەسسەندجەرلەردە تاراتىلىپ جاتقان اقپارات شىندىققا جاناسپايدى. قاراجاتتى اۋدارۋ ءۇشىن بەلگىسىز ادامدار سىلتەمەگە ءوتۋدى ۇسىنادى.
الەۋمەتتىك كومەكتىڭ مۇنداي ءتۇرى جوق ەكەنىن حابارلايمىز. تيىسىنشە, كورسەتىلگەن سىلتەمە الاياقتار ءۇشىن ازاماتتاردىڭ جەكە دەرەكتەرىن الۋ ءتاسىلى بولۋى مۇمكىن. الاياقتارمەن ءوزارا ارەكەتتەسۋدى بولدىرماۋ ءۇشىن سىلتەمەگە وتپەۋگە كەڭەس بەرەمىز. مەملەكەتتىك قولداۋدىڭ ءتيىستى شارالارى تۋرالى رەسمي اقپارات تەك قانا 1414 نومىرىنەن سمس-حابارلامالار ارقىلى تاراتىلادى. ازاماتتاردان تەك رەسمي كوزدەردەگى اقپاراتتى پايدالانۋىن سۇرايمىز. جالعان اقپارات تاراتۋ زاڭمەن جازالاناتىنىن ەستەرىڭىزگە سالامىز», — دەپ مالىمدەدى مينيسترلىكتىڭ ءباپساسوز قىزمەتى.
