قارجى جانە تولەمدەر
قازاقستاندىقتارعا 800 ميلليونعا جۋىق قاراجات نە ءۇشىن قايتارىلادى?
فوتو: اشىق دەرەككوز
ۇلتتىق ەكونوميكا مينيسترلىگىنىڭ تابيعي مونوپوليالاردى رەتتەۋ كوميتەتى مەن ونىڭ اۋماقتىق بولىمشەلەرى جىلۋ ەنەرگياسىن ەسەپكە الۋ اسپاپتارى جوق تۇتىنۋشىلار ءۇشىن جىلۋمەن جابدىقتاۋ قىزمەتتەرىنىڭ قۇنىن قايتا ەسەپتەۋدى اياقتادى, – دەپ حابارلايدى Massaget.kzءتىلشىسى.
كوميتەتتىڭ مالىمەتىنشە, قايتا ەسەپتەۋ ناتيجەلەرى بويىنشا قاراجاتتى قايتارۋ تۇتىنۋشىلاردىڭ دەربەس شوتتارىندا 2024-2025 جىلدارداعى جاڭا جىلىتۋ كەزەڭىندە نە بيىلعى جىل ىشىندە (2024 جىلدىڭ سوڭىنا دەيىن) اۆانس (سالدو) تۇرىندە جەكە جولمەن كورسەتىلەدى.
2023-2024 جىلداردىڭ وتكەن جىلىتۋ كەزەڭىندە جىلۋمەن جابدىقتاۋ سالاسىندا قىزمەت كورسەتەتىن تابيعي مونوپوليالار سۋبەكتىلەرى ققس ەسەبىمەن جالپى سوماسى 768 157 390 تەڭگەگە تۇتىنۋشىلاردى ەسەپكە الۋ اسپاپتارى جوق تۇتىنۋشىلارعا جىلۋ ەنەرگياسى ءۇشىن تولەماقىنى قايتا ەسەپتەدى, ونىڭ ىشىندە:
- استانا قالاسى بويىنشا – 2 279 970 تەڭگە;
- الماتى قالاسى بويىنشا – 95 405 360تەڭگە;
- شىمكەنت قالاسى بويىنشا – 20 208 830 تەڭگە;
- اباي وبلىسى بويىنشا – 13 594 640تەڭگە;
- الماتى وبلىسى بويىنشا – 18 100 470تەڭگە;
- اقمولا وبلىسى بويىنشا – 33 522 870تەڭگە;
- اتىراۋ وبلىسى بويىنشا – 10 698 190تەڭگە;
- اقتوبە وبلىسى بويىنشا – 37 701 480تەڭگە;
- شىعىس قازاقستان وبلىسى بويىنشا – 354 460 650 تەڭگە;
- جامبىل وبلىسى بويىنشا – 15 098 450تەڭگە;
- جەتىسۋ وبلىس بويىنشا – 6 073 800 تەڭگە;
- باتىس قازاقستان وبلىسى بويىنشا – 1 187 850 تەڭگە;
- قوستاناي وبلىسى بويىنشا – 31 998 480 تەڭگە;
- قىزىلوردا وبلىسى بويىنشا – 38 588 600 تەڭگە;
- ماڭعىستاۋ وبلىسى بويىنشا – 60 948 780 تەڭگە;
- پاۆلودار وبلىسى بويىنشا – 4 128 560 تەڭگە;
- سولتۇستىك قازاقستان وبلىسى بويىنشا – 24 136 770 تەڭگە;
- تۇركىستان وبلىسى بويىنشا – 23 640 تەڭگە.
ۇلىتاۋ وبلىسى مەن قاراعاندى وبلىسىنىڭ تۇتىنۋشىلارى ءۇشىن وزگە ءتاسىل قولدانىلادى, ويتكەنى جىلۋ ەنەرگياسىمەن جابدىقتاۋ جونىندەگى رەتتەلىپ كورسەتىلەتىن قىزمەتتىڭ قۇنى سىرتقى اۋانىڭ ناقتى تەمپەراتۋراسىن ەسكەرە وتىرىپ جۇرگىزىلەدى.
«جىلۋ ەنەرگياسىن ەسەپكە الۋ اسپاپتارىن ورناتۋ جىلۋ ەنەرگياسىنىڭ ناقتى تۇتىنىلعان كولەمى ءۇشىن عانا جىلۋمەن جابدىقتاۋ قىزمەتتەرىنە اقى تولەۋگە مۇمكىندىك بەرەتىنىن, بۇل رەتتە جىلىتۋ ماۋسىمىندا مۇمكىن بولاتىن ارتىق تولەمدى الىپ تاستاۋعا مۇمكىندىك بەرەتىنىن اتاپ وتكەن ءجون. بۇگىندە ەلىمىزدەگى كوپپاتەرلى تۇرعىن ۇيلەردىڭ اسپاپتارمەن جابدىقتالۋ دەڭگەيى شامامەن 75 پايىزعا تەڭ», – دەلىنگەن حابارلامادا.
