Qazaqstandyqtarǵa 800 mıllıonǵa jýyq qarajat ne úshin qaıtarylady?

Foto: ashyq derekkóz

Ulttyq ekonomıka mınıstrliginiń Tabıǵı monopolııalardy retteý komıteti men onyń aýmaqtyq bólimsheleri jylý energııasyn esepke alý aspaptary joq tutynýshylar úshin jylýmen jabdyqtaý qyzmetteriniń qunyn qaıta esepteýdi aıaqtady, – dep habarlaıdy Massaget.kztilshisi.

Komıtettiń málimetinshe, qaıta esepteý nátıjeleri boıynsha qarajatty qaıtarý tutynýshylardyń derbes shottarynda 2024-2025 jyldardaǵy jańa jylytý kezeńinde ne bıylǵy jyl ishinde (2024 jyldyń sońyna deıin) avans (saldo) túrinde jeke jolmen kórsetiledi.

2023-2024 jyldardyń ótken jylytý kezeńinde jylýmen jabdyqtaý salasynda qyzmet kórsetetin tabıǵı monopolııalar sýbektileri QQS esebimen jalpy somasy 768 157 390 teńgege tutynýshylardy esepke alý aspaptary joq tutynýshylarǵa jylý energııasy úshin tólemaqyny qaıta eseptedi, onyń ishinde:

• Astana qalasy boıynsha – 2 279 970 teńge;
• Almaty qalasy boıynsha – 95 405 360teńge;
• Shymkent qalasy boıynsha – 20 208 830 teńge;
• Abaı oblysy boıynsha – 13 594 640teńge;
• Almaty oblysy boıynsha – 18 100 470teńge;
• Aqmola oblysy boıynsha – 33 522 870teńge;
• Atyraý oblysy boıynsha – 10 698 190teńge;
• Aqtóbe oblysy boıynsha – 37 701 480teńge;
• Shyǵys Qazaqstan oblysy boıynsha – 354 460 650 teńge;
• Jambyl oblysy boıynsha – 15 098 450teńge;
• Jetisý oblys boıynsha – 6 073 800 teńge;
• Batys Qazaqstan oblysy boıynsha – 1 187 850 teńge;
• Qostanaı oblysy boıynsha – 31 998 480 teńge;
• Qyzylorda oblysy boıynsha – 38 588 600 teńge;
• Mańǵystaý oblysy boıynsha – 60 948 780 teńge;
• Pavlodar oblysy boıynsha – 4 128 560 teńge;
• Soltústik Qazaqstan oblysy boıynsha – 24 136 770 teńge;
• Túrkistan oblysy boıynsha – 23 640 teńge.

Ulytaý oblysy men Qaraǵandy oblysynyń tutynýshylary úshin ózge tásil qoldanylady, óıtkeni jylý energııasymen jabdyqtaý jónindegi rettelip kórsetiletin qyzmettiń quny syrtqy aýanyń naqty temperatýrasyn eskere otyryp júrgiziledi.

«Jylý energııasyn esepke alý aspaptaryn ornatý jylý energııasynyń naqty tutynylǵan kólemi úshin ǵana jylýmen jabdyqtaý qyzmetterine aqy tóleýge múmkindik beretinin, bul rette jylytý maýsymynda múmkin bolatyn artyq tólemdi alyp tastaýǵa múmkindik beretinin atap ótken jón. Búginde elimizdegi kóppáterli turǵyn úılerdiń aspaptarmen jabdyqtalý deńgeıi shamamen 75 paıyzǵa teń», – delingen habarlamada.