جاڭالىقتار
قازاقستاندىقتارعا «جاڭا تولەمدەر» بەرىلەتىنى راس پا: مينيسترلىك وكىلى جاۋاپ بەردى
الەۋمەتتىك جەلىلەر مەن مەسسەندجەرلەردە قازاقستاندىقتارعا ققس بويىنشا وتەماقى تولەنەدى دەگەن اقپارات تاراي باستادى.
الەۋمەتتىك جەلىدەگى اقپاراتتارعا سۇيەنسەك, تاعايىندالعان قاراجاتتى اۋدارۋ ءۇشىن بەلگىسىز بىرەۋلەر سىلتەمە بويىنشا ءوتۋدى ۇسىنادى.
الايدا مينيسترلىك مۇنداي الەۋمەتتىك كومەك ءتۇرى جوق ەكەنىن ەسكەرتتى. «مەسسەندجەرلەردە جانە الەۋمەتتىك جەلىلەردە ەڭبەك جانە حالىقتى الەۋمەتتىك قورعاۋ مينيسترلىگى ققس بويىنشا وتەماقى ەنگىزدى دەگەن اقپارات شىندىققا سايكەس كەلمەيدى», — دەپ حابارلادى ۆەدومستۆونىڭ ءباسپاسوز قىزمەتى. ەڭبەك مينيسترلىگى حابارلامادا كورسەتىلگەن سىلتەمە شابۋىلداۋشىلار ءۇشىن پايدالانۋشىدان جەكە دەرەكتەردى الۋدىڭ ءبىر جولى بولۋى مۇمكىن دەپ قوستى. «الاياقتارعا الدانىپ قالماس ءۇشىن سىلتەمەنى باسپاۋعا كەڭەس بەرەمىز. قاجەتتى مەملەكەتتىك قولداۋ شارالارى تۋرالى رەسمي اقپارات تەك 1414 نومىرىنەن SMS حابارلامالار تۇرىندە تاراتىلادى. ازاماتتاردى تەك رەسمي اقپارات كوزدەرىنەن الىنعان اقپاراتقا سەنۋدى سۇرايمىز», — دەپ شاقىردى مينيسترلىك.
