Qazaqstandyqtarǵa «jańa tólemder» beriletini ras pa: mınıstrlik ókili jaýap berdi

Áleýmettik jeliler men messendjerlerde qazaqstandyqtarǵa QQS boıynsha ótemaqy tólenedi degen aqparat taraı bastady.

Áleýmettik jelidegi aqparattarǵa súıensek, taǵaıyndalǵan qarajatty aýdarý úshin belgisiz bireýler silteme boıynsha ótýdi usynady.

Alaıda mınıstrlik mundaı áleýmettik kómek túri joq ekenin eskertti. «Messendjerlerde jáne áleýmettik jelilerde Eńbek jáne halyqty áleýmettik qorǵaý mınıstrligi QQS boıynsha ótemaqy engizdi degen aqparat shyndyqqa sáıkes kelmeıdi», — dep habarlady vedomstvonyń baspasóz qyzmeti. Eńbek mınıstrligi habarlamada kórsetilgen silteme shabýyldaýshylar úshin paıdalanýshydan jeke derekterdi alýdyń bir joly bolýy múmkin dep qosty. «Alaıaqtarǵa aldanyp qalmas úshin siltemeni baspaýǵa keńes beremiz. Qajetti memlekettik qoldaý sharalary týraly resmı aqparat tek 1414 nómirinen SMS habarlamalar túrinde taratylady. Azamattardy tek resmı aqparat kózderinen alynǵan aqparatqa senýdi suraımyz», — dep shaqyrdy mınıstrlik.