Jańalyqtar
«Qazaqstanǵa ásker jiberse, baqytty bolam». Sımonıan taǵy arandata sóıledi
Foto:ratel.kz
Reseılik propogandıst, Russia Today arnasynyń redaktory Margarıta Sımonıan sóziniń arasynda Qazaqstan týraly arandatýshy sóz aıtty, dep habarlaıdy qandastar.kz saıty Ulysmedia.kz saıtyna silteme jasap.
Margarıta Sımonıan Reseıde «zańgerler de, ekonomıster de» áskerge barýdy armandaýy kerek dep sanaıdy. Onyń oıynsha sonda ǵana elge eshkim qaýip tóndire almaıdy.
Sonymen qatar, ol Reseı áskeriniń Sırııadan shyǵarylýyn durys dep eseptemeıtinin atap ótti.
«Men Ýkraınada, Sırııada jáne eger taǵy da shaqyrsa, Qazaqstandaǵy qandaı da bir «barmaleılermen» kúresý úshin [soǵysýdy] ózimizge múmkindik bere alatyn bolsaq, óte baqytty bolar edim», – dedi propagandıst EMPATIIa MANÝChI habaryna bergen suhbatynda.
Sımonıan aıtyp otyrǵan “Barmaleı” Korneı Chýkovskııdiń doktor Aıbolıt týraly ertegilerindegi zulym, tonaýshy ári kannıbal keıipker. Kreml propagandısi osy sózi arqyly Qańtar oqıǵasy kezinde UQShU áskeriniń Qazaqstanǵa kirgizilýin, “Barmaleı” dep bılik nusqasy boıynsha “terrorıst” dep tanylǵandardy tuspaldap turǵan bolýy múmkin.
