Qazaqstanǵa bıyl qandastardyń kóbi О́zbekstannan kelgen

Ishki ister mınıstrliginiń Kóshi-qon polıııasy basqarmasynyń bastyǵy Ǵanı Shymyrbaev Qazaqstanǵa osy jyldyń basynan beri 11 myńǵa jýyq etnıkalyq qazaqtyń kelgenin málim etti, dep habarlaıdy QazAqparat tilshisi.

«Elimizde etnıkalyq qazaqtardy qonystandyrý tetigin jetildirýge baǵyttalǵan QR kóshi-qon jáne halyqty jumyspen qamtý máseleleri boıynsha zańnamalyq aktilerge ózgerister men tolyqtyrýlar engizý týraly zańǵa qol qoıylǵan bolatyn. Ásirese, osy sanattaǵy azamattar úshin oralman mártebesin berý jáne tólem júktemesinen bosatý, burynǵy azamattyqtan shyǵýdy resimdemeý jeńildikteri berildi. Onyń ishinde JOO-larda oqıtyn etnıkalyq qazaqtar QR-da turý merzimine qaramastan azamattyqty jeńildetilgen tártippen alý quqyǵyna ıe boldy. Bul Qytaıdan Qazaqstanǵa turaqty turýǵa keletin etnıkalyq qazaqtardyń máselesin sheshýge múmkindik berdi», — dedi Ǵanı Shymyrbaev elordada «Sheteldegi otandastardy memlekettik qoldaý týraly» QR zań jobasyn talqylaý barysynda.

Onyń aıtýynsha, joǵaryda atalǵan jumystardyń nátıjesinde shettegi qandastardyń kóp bóligi kóship, Qazaqstan azamattyǵyn alǵan.

«Statıstıkaǵa súıensek, elimiz táýelsizdik alǵan sátten bastap, Qazaqstan Respýblıkasynyń azamattyǵyn 1 mln 57 myń 537 sheteldik alǵan. Onyń ishinde 937 myń 663-i – etnıkalyq qazaqtar. Al osy jyldyń esep berý kezeńine toqtalar bolsaq, azamattyqqa barlyǵy 13 034 sheteldik qabyldandy. Onyń 10 790-ny – etnıkalyq qazaqtar. Olardyń basym bóligi Qytaıdan kelgen qandastar (4092). О́zbekstannan — 6216, Qyrǵyzstannan 551 adam keldi», — dedi Ǵanı Shymyrbaev.